तेंदूपत्ता हंगाम लांबणीवर

गडचिरोली जिल्हा हा आदिवासीबहुल जिल्हा असून येथे आदिवासीबांधव मोठ्या संख्येने राहतात. आदिवासी व बिगर आदिवासी हजारो मजूर दरवर्षी उन्हाळ्यात जंगलातील तेंदूपत्त्याचे संकलन करून ते फळीवर विक्री करतात. यातून मजुरांना चांगली आर्थिक मिळकत मिळते. तेंदू हंगाम हा वार्षिक आर्थिक बजेट ठरविणारा महत्त्वाचा हंगाम आहे. तेंदूपत्ता हंगामातून मिळणाºया रकमेतून पाच ते सहा महिन्याचा मजुरांचा बजेट होत असते.

ठळक मुद्देसंचारबंदीचा परिणाम : गोंदियातील कंत्राटदार कोरचीत येणार

लोकमत न्यूज नेटवर्क
कोरची : कमी दिवसात भरपूर रोजगार देणारा व बऱ्यापैकी आर्थिक मिळकत मिळवून देणारा हंगाम म्हणून तेंदूपत्ता संकलन हंगामाकडे पाहिले जाते. दरवर्षी गडचिरोली जिल्ह्यात हा हंगाम एप्रिल महिन्यापासून सुरू होत होता. मात्र यंदा कोरोनाच्या संचारबंदीमुळे हा हंगाम लांबणीवर गेला आहे. आता जिल्हाधिकाऱ्यांनी परवानगी दिल्यामुळे यंदा गोंदिया जिल्ह्यातील तेंदू कंत्राटदार कोरची तालुक्यात येणार आहेत.
गडचिरोली जिल्हा हा आदिवासीबहुल जिल्हा असून येथे आदिवासीबांधव मोठ्या संख्येने राहतात. आदिवासी व बिगर आदिवासी हजारो मजूर दरवर्षी उन्हाळ्यात जंगलातील तेंदूपत्त्याचे संकलन करून ते फळीवर विक्री करतात. यातून मजुरांना चांगली आर्थिक मिळकत मिळते. तेंदू हंगाम हा वार्षिक आर्थिक बजेट ठरविणारा महत्त्वाचा हंगाम आहे. तेंदूपत्ता हंगामातून मिळणाºया रकमेतून पाच ते सहा महिन्याचा मजुरांचा बजेट होत असते. पेसा वनहक्क कायद्यान्वये वनोेपज खरेदी-विक्री करण्याचा अधिकार कोरची तालुक्यासह जिल्हाभरातील ग्रामसभांना मिळाला आहे. दरम्यान फेब्रुवारी महिन्यातच कोरची येथील राजीव भवनात तेंदू लिलावाची प्रक्रिया घेण्यात आली. गोंदिया जिल्ह्याच्या आमगाव येथील एका कंपनीला कंत्राट देण्यात आला. सहा हजार प्रती गोणी तेंदू संकलन करावयाचे असून याचा दर प्रती शेकडा ६०० रुपये असा देण्यात आला आहे.
ग्रामसभेमार्फत तेंंदूलिलाव प्रक्रिया झाल्यानंतर ग्रामपंचायस्तरावरील निवडणुका जाहीर होऊन आचारसंहिताही लागू झाली. त्यामुळे ग्रामसभेला तेंदू घटकाचे करारनामे करता आले नाही. त्यानंतर कोरोनाच्या संचारबंदीमुळे तेंदूपत्ता संकलनाचे काम पुन्हा लांबणीवर पडले आहे. यावर्षी देशावर कोरोनाचे संकट कोसळले. परिणामी लॉकडाऊनमुळे सर्व कामधंदे बंद पडले. जिल्हा सीमाही बंद करण्यात आल्या. तेंदूपत्ता तोडण्यासाठी दरवर्षी कोरची तालुक्याच्या सीमेलगत असलेल्या गोंदिया जिल्हा व इतर राज्याच्या गावांमधील शेकडो तेंदू मजूर कोरची तालुक्यात येतात. मात्र यंदा कोरोनाचे संकट आल्याने परराज्यातील व गोंदिया जिल्ह्यातील मजूर कोरची तालुक्यात येणार नाही.

कंपनीचे मॅॅनेजर दाखल
गोंदिया जिल्ह्याच्या आमगाव येथील सिमरन ट्रेडर्स कंपनीच्या मालकाने तेंदू हंगामासाठी मॅनेजर लोकांना २८ एप्रिल रोजी कोरचीत पाठविले. त्यांच्यासोबत चेकर, मुंशी, हमाल येणार होते. मात्र कोरोनामुळे मॅनेजरने या कामगारांना आणले नाही. या पदावर स्थानिक लोकांना रोजगार देण्यात येणार आहे.