गडचिरोलीत नद्या तुडुंब, तलाव 'ओव्हरफ्लो'; रस्त्यांचे झाले तळे

दहा मंडळांत जोर'धार' : भामरागडला पुराचा वेढा, आरमोरीत घरावर कोसळली वीज गडचिरोलीत घरांत शिरले पाणी, नागरिकांची त्रेधातिरपीट

लोकमत न्यूज नेटवर्क
गडचिरोली : विजांच्या कडकडाटासह जिल्ह्यात दोन दिवसांपासून सुरू असलेल्या पावसामुळे नद्या, नाले तुटुंब भरून वाहत आहेत. तलाव ओव्हरफ्लो झाले असून शेत शिवारांमध्ये पाणी साचले आहे. भामरागड शहराला पुराचा वेळा पडला असून गडचिरोलीमध्ये सखल भागात घरांमध्ये पाणी शिरले, त्यामुळे नागरिकांची तारांबळ उडाली. दुर्गम, अतिदुर्गम भागात ठिकठिकाणी रस्ते पाण्याखाली गेले, त्यामुळे दळणवळण ठप्प झाले, परिणामी संपूर्ण जनजीवन विस्कळीत झाले.

जिल्ह्यात १७ व १८ ऑगस्ट रोजी पावसाने जोरदार हजेरी लावली. १९ ऑगस्टलाही शहरासह परिसरात रिपरिप सुरूच होती. वैनगंगा, कठाणी नदी तुडुंब भरून वाहत असून भामरागडमध्ये पर्लकोटाच्या पुराचा जोर वाढला, त्यामुळे पाणी शहरात शिरले. संपूर्ण शहर जलमय झाले, त्यामुळे पूरप्रवण क्षेत्रातील नागरिकांना सुरक्षितस्थळी हलविण्यात आले आहे. सिरोंचालगतच्या मेडिगड्डा धरणातून विसर्ग वाढल्याने परिसरात सतर्कतेचा इशारा दिला आहे. एटापल्ली, अहेरी, मुलचेरातील अनेक नाले पाण्याखाली गेले, त्यामुळे ठिकठिकाणी रस्ते बंद असून संपर्क तुटला आहे. देसाईगंज, चामोर्शी, कुरखेडा, धानोरा, कोरची, आरमोरी येथे पावसाने दाणादाण उडाली. ठिकठिकाणी स्थानिक प्रशासन अलर्ट मोडवर असून कुठे अनुचित घटना घडू नये, यासाठी योग्य ती खबरदारी घेतली जात आहे. 

कोठीत कोसळली भिंत
कोठी (ता. भामरागड) येथे गणेश मोतकुरवार यांच्या दुकानाची भित कोसळली. साहित्याचे नुकसान झाले. सुदैवाने ते थोडक्यात वाचले.
वीज कोसळल्याने सौर ऊर्जेच्या सुदैवाने ते थोडक्यात वाचले.

वीज कोसळल्याने सौर ऊर्जेच्या प्लेट फुटल्या 
आरमोरी : येथील बर्डी परिसरातील पेट्रोलच्या मागे राहत असलेले शिक्षक प्रकाश जंजाळकर यांच्या दुमजली घरावर सोमवारी मध्यरात्री वीज कोसळली. त्यांच्या घरच्या सोलर विद्युत व सोलर वाटरच्या प्लेटचे नुकसान झाले, सुदैवाने अप्रिय घटना टळली. सोमवारी मध्ये रात्री शहरात विजेच्या कडकडाटात मुसळधार पाऊस सुरू होता. बर्डी येथील शिक्षक प्रकाश जंजाळकर यांच्या घरावर वीज कोसळली. त्यांच्या इमारतीला स्लॅबला मोठा खड्डा पडून सोलर प्लेट निकामी झाल्या. यात लाखो रुपयांचे नुकसान झाले. महसूल अधिकाऱ्यांनी १९ रोजी पंचनामा केला.

या महामार्गावरील वाहतूक झाली ठप्प
हेमलकसा-भामरागड राष्ट्रीय महामार्ग क्र. १३० डी (पर्लकोटा नदी), अहेरी-वटरा राज्यमार्ग (वटरा नाला), तळोधी-आमगाव महाल-विसापूर राज्यमार्ग (पोहार नदी), कुरखेडा-वैरागड राज्यमार्ग (सती नदी), चौडमपल्ली-चपराळा रस्ता, काढोली- उराड़ी रस्ता, शंकरपूर- डोंगरगाव रस्ता, कोकडी - तुळशी रस्ता, कोंढाळा -कुरुड-देसाईगंज रस्ता, पोलॉ वडधा रस्ता, भेंडाळा-बोरी-गणपूर रस्ता, हलवेर कोठी रस्ता, गडचिरोली- चांदाळा-गुरवळा राज्य मार्ग वाहतुकीसाठी बंद आहे.

तालुकानिहाय पाऊस
तालुका            पाऊस मि.मी.
गडचिरोली          १२१.६
धनोरा                 ८३.५
देसाईगंज            १४७.०
आरमोरी             १२८.३
कुरखेडा              ६१.६
कोरची                 ३९.०
चामोर्शी               ६७.६.
मुलचेरा               ६१.४
अहेरी                  ४१.१
सिरोंचा                ४२.२
एटापल्ली            ६१.६
भामरागड            १३०.०

पाण्यातून वाट काढताना झाले हाल
गडचिरोली शहरातील मूल मार्गावरील स्वामी विवेकानंद कॉलेजकडे जाणाऱ्या रस्त्यावरून पाणी वाहत होते. तसेच कन्नमवार नगर, अयोध्यानगर, गुरूकुंज कॉलनी, कारमेल शाळेच्या मागील परिसरात सर्वत्र पाणीच पाणी साचले होते. काही ठिकाणी घरात पाणी शिरले. त्यामुळे नागरिकांची त्रेधा उडाली. शहरातील सखल भागातील बहुतांश रस्ते पाण्याखाली गेले होते. त्यातून वाट काढताना शालेय विद्यार्थ्यांसह नागरिकांचे हाल झाले.

फराडा येथे घर कोसळले
चामोर्शी तालुक्यातील फराडा येथील चंपत आडकू उंदिरवाडे यांचे घर पावसामुळे कोसळले. सुदैवाने कुटुंब दुसन्या खोलीत होते, त्यामुळे ते बचावले. ही घटना १९ ऑगस्ट रोजी पहाटे घडली. यामध्ये घराचे ८ ते १० हजार रुपयांचे नुकसान झाले. ग्राम महसूल अधिकारी नामदेव चंदनखेडे यांनी पंचनामा करून तहसील कार्यालयात अहवाल पाठवला आहे.