वर्षभरात ११५ गर्भवती मातांची काेराेनावर मात

गडचिराेली जिल्हा मुख्यालयी जिल्हा महिला व बालरुग्णालय आहे. तीन ठिकाणी उपजिल्हा रुग्णालये, तर ९ ठिकाणी ग्रामीण रुग्णालये आहेत. ग्रामीण भागात जवळपास ४५ प्राथमिक आराेग्य केंद्रे असून, ३०० पेक्षा अधिक उपकेंद्रे आहेत. याशिवाय ग्रामीण व दुर्गम भागात आराेग्य पथकेही आहेत. या सर्व ठिकाणी गर्भवती मातांची प्रसूती केली जाते. मात्र सीझर प्रसूतीची व्यवस्था जिल्हा व उपजिल्हा रुग्णालयातच आहे. त्यामुळे येथे रेफर हाेणाऱ्या गर्भवती महिलांची संख्या अधिक असते.

मार्च २०२० अखेरीपासून काेराेना महामारीचे संकट जिल्ह्यात निर्माण झाले. दरम्यान, आराेग्य यंत्रणेला घडीभरचीही उसंत मिळाली नाही. काेराेना संसर्गाला थांबविण्यासाेबतच गर्भवती माता व नवजात बालकांच्या आराेग्याची परिपूर्ण काळजी घेण्यात आली.

काेट .......

जिल्ह्यातील काेणत्याही गर्भवती मातेला काेराेनाचा संसर्ग झाला किंवा तशा प्रकारची लक्षणे आढळली, तर महिलांनी घाबरून जाऊ नये, नजीकच्या रुग्णालयात या मातांवर संपूर्ण उपचार करण्यासाठी आम्ही बांधील आहाेत. कुठल्याही गराेदर मातेला प्रसूतीसाठी त्रास हाेणार नाही, याची परिपूर्ण काळजी संबंधित रुग्णालयात घेतली जाते, तसेच आढळून आलेल्या काेराेना पाॅझिटिव्ह गराेदर मातांची प्रसूती सुखरूप करण्यात आली आहे. बाळ आणि बाळंतीण सुखरूप आहेत.

- डाॅ. समीर बन्साेडे, जिल्हा माता व बालसंगाेपन अधिकारी, गडचिराेली.

बाॅक्स .....

केवळ दाेन महिलांचा गर्भपात

गराेदरपणा व प्रसूती या बाबी महिलांसाठी अतिशय गंभीर आहेत. या काळात आराेग्याची परिपूर्ण व प्रचंड काळजी घ्यावी लागते. काेराेनाच्या काळात पाॅझिटिव्ह आढळून आलेल्या दाेन गर्भवती महिलांचा गर्भपात झाला. या दाेन्ही महिला ग्रामीण भागातील असल्याची माहिती मिळाली आहे.

बाॅक्स ...

सीझर प्रसूतीचे प्रमाण वाढले

महिलांची जीवनशैली बदलली आहे. शिवाय अनेक महिलांचे जीवन दगदगीचे व धावपळीचे झाले आहे. अशावेळी आराेग्याची परिपूर्ण काळजी घेण्याकडे महिलांचे दुर्लक्ष हाेते. काेराेनाच्या काळात गेल्या वर्षभरात गर्भवती मातांच्या सीझर प्रसूतीचे प्रमाण वाढले. मात्र, प्रसूतीदरम्यान माता व बालकाला धाेका पाेहाेचला नाही.