भारताचा पाकिस्तानवर दणदणीत विजय; अंतिम फेरीत पटकावले स्थान

स्पर्धेच्या उपांत्य फेरीत भारताने पाकिस्तानला 3-1 असे नमवत दिमाखात अंतिम फेरीत प्रवेश केला.

ठळक मुद्दे सामन्याच्या 48व्या मिनिटाला भारताच्या महावीर सिंगने गोल करत भारताच्या गोलचे खाते उघडले.

बांगलादेश : भारताने आज पारंपरिक प्रतिस्पर्धी असलेल्या पाकिस्तावर दणदणीत विजय मिळवत अंतिम फेरी गाठली. बांगलादेशमध्ये सॅफ फुटबॉल स्पर्धा सुरु आहे. या स्पर्धेच्या उपांत्य फेरीत भारतानेपाकिस्तानला 3-1 असे नमवत दिमाखात अंतिम फेरीत प्रवेश केला. भारताने या स्पर्धेच्या अंतिम फेरीत अकराव्यांदा प्रवेश केला आहे, त्याबरोबर या स्पर्धेचे जेतेपद भारताने आतापर्यंत सातवेळा पटकावले आहे.

FT 🇮🇳3-1🇵🇰
Defending champions India beat arch-rivals Pakistan to make it to the #SAFFSuzukiCup 2018 final! #INDvsPAKpic.twitter.com/6vM5FS3Goo

— SAFF Suzuki Cup (@SAFFSuzukiCup) September 12, 2018

 

भारत आणि पाकिस्तान यांच्यामध्ये दक्षिण आशियाई फुटबॉल फेडरेशनची (सॅफ) स्पर्धेची उपांत्य  फेरी झाली.  या सामन्याच्या पहिल्या अर्ध्या तासामध्ये दोन्ही संघांना गोल करण्यात अपयश आले होते. पण सामन्याच्या 48व्या मिनिटाला भारताच्या महावीर सिंगने गोल करत भारताच्या गोलचे खाते उघडले. त्यानंतर पुन्हा एकदा महावीरने गोल करत संघाला 2-0 अशी आघाडी मिळवून दिली. सुमीत पासीने भारतासाठी तिसरा गोल करत संघाला 3-0 अशी आघाडी मिळवून दिली. पण त्यानंतर पाकिस्तानच्या हसन बशिरने गोल केला. पाकिस्तानचा हा पहिला गोल होता आणि तरीही ते पिछाडीवर होते.

🇮🇳1-0🇵🇰

48' Manvir Singh #SAFFSuzukiCup#INDvsPAKpic.twitter.com/M31YfBVhmw

— SAFF Suzuki Cup (@SAFFSuzukiCup) September 12, 2018

बांगलादेशच्या बंगबंधू स्टेडियम येथे हा सामना झाला. भारताला एकाही साखळी सामन्यात पराभव स्वीकारावा लागला नाही. 

All balanced at half-time 🇮🇳0-0🇵🇰#INDvsPAK#SAFFSuzukiCuppic.twitter.com/QRAacC2dIX

— SAFF Suzuki Cup (@SAFFSuzukiCup) September 12, 2018

साखळी सामन्यात अपराजित राहिल्यामुळे या स्पर्धेच्या 'ब' गटामध्ये भारतीय संघ अव्वल स्थानी होता. या गटामध्ये श्रीलंका आणि मालदीव या संघांचा सहभाग होता.