महानगरातील चौकांमधील सिग्नल यंत्रणा सुरू करावी

काही महिन्यांपुर्वी धुळे शहर पाणी पुरवठा योजनेच्या कामाअंतर्गत पाईपलाईनच्या कामासाठी रस्ते खोदकाम केल्याने सिग्नलच्या केबल्स तुटल्याने शहरातील सर्व सिग्नल यंत्रणा बंद झाली आहे. त्यानंतर सिंग्नल यंत्रनेची दुरुस्ती झालेली नाही. सिंग्नल बंद असल्याने अनेकवेहा वाहतुकीची कोंडी होते. कमलाबाई कन्या शाळेजवळील चोक, शिवतीर्थ चौक, आग्रारोड व पारोळारोड क्रॉसिंगचे रणसिंग चौक, प्रकाश टॉकिजजवळील चौक, देवपुर दत्तमंदिर चौक तसेच शहरात नव्याने तयार झालेल्या शंभर फुटीरोड (चाळीसगावरोड क्रॉसिंग) तसेच शहरातील मुख्य चौकांमध्ये सिग्नल सुरु करणे अत्यंत आवश्यक आहे. काही दिवसांपूर्वी चाळीसगावरोड शंभरफुटी क्रॉसिंगजवळ भरधाव वेगातील राज्य परिवहन मंडळाच्या बसने धडक दिल्याने अपघात एकाचा मृत्यू झालेला आहे. भविष्यातही आनखी अनुचित प्रकार घडू नये, शहरातील वाहतुक सुरळीतपणे व सुरक्षित होण्यासाठी शहरातील विविध भागातील मुख्य चौकांमध्ये आवश्यक त्या ठिकाणी सिग्नल यंत्रणा तात्काळ सुरु करणेची कार्यवाही करावी अशी मागणी सभापती जाधव यांनी केली आहे.