Dhule News | Latest Dhule News in Marathi | Dhule Local News Updates | ताज्यबातम्या धुळे | धुळे समाचार | Dhule Newspaper

धुळे जिल्ह्यातील शिरपूर तालुक्यामध्ये हृदय हेलावून टाकेल अशी घटना घडली आहे. थाळनेर येथील एका दारुड्या बापाने आपल्या पोटच्या दोन चिमुकल्यांना तापी नदीच्या पाण्यात फेकले आहे. पाण्यात पडल्याने या मुलांचा बुडून मृत्यू झाला आहे. या घटनेमुळे धुळे जिल्हा हादरला आहे. याप्रकरणी मुलांच्या आईने दिलेल्या फिर्यादीवरून मुलांच्या वडिलाविरोधात खुनाचा गुन्हा थाळनेर पोलीस ठाण्यात दाखल करण्यात आलेला आहे. थाळनेर येथील सुनील नारायण कोळी याला दारुचे व्यसन होते. पत्नी छायाबाई आणि सुनील यांच्यात नेहमी वाद होत होता. छायाबाई या बऱ्याच दिवसापासून माहेरी होत्या. पंधरा दिवसांपूर्वी त्या माहेरून थाळनेर येथे आल्या होत्या. सुनील व छायाबाई यांना कार्तिक सुनील कोळी (वय ६) व चेतना सुनील कोळी (वय ३) अशी दोन मुले होती. दिनांक ४ रोजी सुनील हा दोन्ही मुलांना आजीकडे घेऊन जातो, असे सांगून घेऊन गेला. मात्र संध्याकाळी एकटाच परत आला. यावेळी छायाबाई यांनी विचारले असता त्यांना आजीकडे सोडून आल्याचे सांगितले. मात्र त्याने दोन्ही मुलांना तापी नदी पात्रात फेकून दिलेले होते. संध्याकाळी कार्तिक व चेतना यांना तापी नदी पात्रातील काठावर असलेल्या झाडीतून बाहेर काढण्यात आले. थाळनेर येथे रुग्णालयात दाखल केले असता दोन्ही बालकांना डॉक्टरांनी मृत घोषित केले. याप्रकरणी छायाबाई सुनील कोळी यांनी दिलेल्या तक्रारीवरून त्यांचे पती सुनील नारायण कोळी यांच्या विरोधात मुलांच्या खुनाचा गुन्हा दाखल करण्यात आलेला आहे.

Dhule (Marathi News)

माजी आमदार अनिल गोटे यांच्या आरोपानंतर खोली क्रमांक १०२ उघडली अन्... ...

चौघांनी लैंगिक अत्याचार करत त्याची मोबाईलमध्ये रेकॉर्डिंग केली. त्यानंतर पीडितेला मारहाण करण्यात आली ...

अपघातात पिता धनंजय आणि मुलगा आयुष यांच्यासह धडक देणारा अज्ञात दुचाकीस्वार हे तिघेही जागीच ठार झाले. ...

कुंभार टेक येथे राहणाऱ्या सुनील याला दारूचे व्यसन असल्याने त्याचे पत्नीशी नेहमी वाद होत असत. ...