नागपूर : पती पत्नीतील वादाचा भडका उडल्यानंतर घरगुती वादातून एका महिलेने स्वतःच्या दोन चिमुकल्यांना विष पाजले आणि स्वतःही विष प्राशन करून आत्महत्येचा प्रयत्न केला. या तिघांचीही प्रकृती चिंताजनक आहे. वाठोडा पोलीस ठाण्याच्या हद्दीत शुक्रवारी सकाळी घडलेल्या या घटनेमुळे परिसरात उलट-सुलट चर्चेला उधाण आले आहे.
आयेशा नसीम बेग, अमन नसीम बेग आणि हबीबा नसीब बेग अशी या घटनेतील पीडितांची नावे असून ते सध्या मेडिकलमध्ये अतिदक्षता विभागात दाखल आहेत. आयेशाचे पती मिर्झा नसीम रहीम बेग (वय ४६) यांनी पोलिसांकडे दिलेल्या माहितीनुसार, त्याचा आणि आयेशाचा विवाह ७ वर्षांपूर्वी झाला. त्यांना सहा वर्षांचा अमन आणि११ महिन्यांची हबीबा ही दोन मुले आहेत. नसीम दूध विक्री करतो. घरी टीवी घेण्याच्या कारणावरून गेल्या काही दिवसांपासून नसीम आणि आयेशा या पती-पत्नीत वाद सुरू होता. पत्नीने अनेक दिवसांपासून तगादा लावूनही आर्थिक कोंडीमुळे नसीम टीव्ही विकत आणण्यासाठी टाळाटाळ करीत होता. तीन-चार दिवसांपासून टीव्हीमुळे घरात चांगलीच आग लागली होती. या पार्श्वभूमीवर नसीम शुक्रवारी सकाळी घराबाहेर पडला. सकाळी १०.३० च्या सुमारास त्याला त्याचे शेजारी धांडे यांच्या मुलीचा फोन आला. तुमच्या पत्नीने मुलांना विष देऊन स्वतःही विष घेतले, असे तिने सांगितले. त्यामुळे नसीम घरी पोहोचला. शेजाऱ्याच्या मदतीने दोन मोटरसायकलवर पत्नी आणि मुलांना घेऊन तो मेडिकल मध्ये पोचला. तेथे डॉक्टरांनी तिघांनाही अतिदक्षता विभागात दाखल केले असून त्यांची प्रकृती गंभीर आहे.
या घटनेनंतर उलट-सुलट चर्चेला उधान आले आहे. स्वतः आणि मुलांसाठी विरंगुळा म्हणून टीव्ही घेऊन देण्याचा तगादा लावूनही पती ऐकत नसल्यामुळे आयेशाने हा भयंकर टोकाचा निर्णय घेतल्याचे प्राथमिक तपासात उघड झाले आहे. त्यामुळे पोलिसांनी नसीमची तक्रार नोंदवून घेत मुलांना जीव मारण्याचा प्रयत्न केल्याच्या आरोपाखाली आयेशा विरुद्ध कलम ३०७,३०९, ३२८ भादवी अन्वये गुन्हा दाखल केला. पुढील तपास सुरू आहे.इतनिसी खुषी...!घरात मनोरंजन अथवा विरंगुळाची कसलीही सोय नसल्याने आयेशा कंटाळली होती. पती आपली एवढीशी इच्छा पूर्ण करत नसल्याची खात्री पटल्यामुळे तिला नैराश्य आले होते. त्यातून आयेशाने हा आत्मघाती निर्णय घेतला.
अन्य महत्वाच्या बातम्या...
खळबळजनक! १६ वर्षांच्या TikToker तरुणीची आत्महत्या; रात्री मॅनेजरशी गाण्याबद्दल बोलली, अन्...
धक्कादायक! हालाखीच्या परिस्थितीला कंटाळून महिलेने मुलीला गळफास लावून स्वतःही केली आत्महत्या
उसन्या पैशाचा तगादा लावल्याने भाजीवाल्याची तारेने गळा आवळून हत्या
५ प्रेमविवाहानंतर पतीचा दुर्दैवी अंत; पहिल्या पत्नीनेच १ कोटींची सुपारी देऊन काढला काटा
लग्न सोहळ्यात वादग्रस्त हळदी समारंभामुळे आले विघ्न, तिघांवर गुन्हा दाखल
हृदयद्रावक! बंद फ्लॅटमध्ये दाम्पत्याची आत्महत्या; पोलिसांनी दरवाजा उघडताच ८ महिन्यांचे बाळ दिसले रांगताना
बापरे! आई आणि मुलाच्या अनैतिक संबंधाच्या संशयातून सावत्र बापाने केली मुलाची हत्या
भारत-पाकिस्तान सीमेवर PMAYच्या घरासाठी खोदकाम सुरू होते; लोखंड पाहून मजुरांना घामच फुटला
Sushant singh Rajput Suicide : ... तर मुंबई पोलिसांच्या जिवाला धोका; रुपा गांगुलीने व्यक्त केली शंका