जळगाव : अल्पवयीन मुलीला प्रेमाच्या जाळ्यात ओढून तिला लग्नाचे आमिष दाखवत कोल्हे हिल्स परिसरात वेळोवेळी शारिरीक संबंध केल्याने ती गर्भवती राहिल्याचा प्रकार उघडकीस आला असून संशयिताविरुध्द तालुका पोलीस ठाण्यात गुरुवारी बलात्कार व बाललैंगिक अत्याचाराचा गुन्हा दाखल करण्यात आला आहे. यातील पीडिता व संशयित या दोघांचे वय १७ वर्ष आहे. संशयिताला ताब्यात घेण्यात आले आहे.
सूत्रांनी दिलेल्या माहितीनुसार, पीडित मुलगी व संशयित मुलगा दोघंही रामानंद नगर पोलीस ठाण्याच्या हद्दीत वास्तव्याला आहेत. पीडित मुलीचे सातवीपर्यंत शिक्षण झाले असून सध्या शिक्षण न करता आईला घरकामात मदत करते, ऑगस्ट २०२० मध्ये मैत्रिणीच्या मार्फत पीडितत मुलीची एका १७ वर्षीय मुलासोबत ओळख निर्माण झाली. त्यांची ओळख झाल्यानंतर दोघांचे भेट होवून बोलणे सुरू झाले. त्यातून ऑगस्ट महिन्यात संशयित हा पीडितेला कोल्हे हिल्स परिसरात घेऊन गेला व आपण लग्न करु असे सांगितले असता, मी अजून लहान आहे, असे पीडितेने सांगितले.
त्यावेळी त्याने बांधकामाच्या जुन्या घरात शारिरीक संबंध केले व नंतर घरी सोडून दिले. पुन्हा आठवड्याने त्याच जागी नेऊन शारीरीक संबंध केले व घरी सोडून दिले. सप्टेंबर महिन्यात त्याने सात ते आठ वेळा शारीरीक संबंध केले. एकदा मला महत्वाचे बोलायचे आहे, असे सांगून दुचाकीवर बसवून कोल्हे हिल्स परिसरातील नेले. तेथे लग्नाचे आमिष दाखवत अंगलट केले. तिने नकार दिल्यावर भावाला मारून टाकण्याची दमदाटी केली व तिच्यावर अत्याचार केला. यातून पीडीत गर्भवती राहिली. याबाबत तिने मुलाला सांगितले असता पिडीतेला ठार मारण्याची धमकी देवून मला पुन्हा भेटू नको अशी धमकी दिली. त्यामुळे हा प्रकार पीडितेने आई व वडीलांना सांगितला. त्यांनी तालुका पोलीस ठाणे गाठून पोलीसांना सर्व हकीकत सांगितली. महिला उपनिरीक्षक यशोदा कणसे यांनी पीडित मुलीचा जबाब नोंदवून विधीसंघर्षग्रस्त मुलाच्या विरूध्द गुन्हा दाखल करण्यात आला आहे. हवालदार विश्वनाथ गायकवाड व अतुल सोनवणे यांनी विधीसंघर्षग्रस्त मुलाला ताब्यात घेतले आहे.