NEET ची तयारी करणाऱ्या युवतीचा संशयास्पद मृत्यू; पोलिसांनी जमा केले ३० जणांचे स्पर्म, कारण...

पोलीस याचा सखोल तपास करत आहे. एफएसएल रिपोर्टमधून मिळालेले पुरावे खूप महत्त्वाचे सिद्ध होऊ शकतात. लवकरच या प्रकरणाचे सत्य समोर येईल अशी आशा पोलिसांना आहे.

पटना - शहरातील शंभू गर्ल्स हॉस्टेलमध्ये NEET परीक्षेची तयारी करणाऱ्या एका युवतीच्या संशयास्पद मृत्यूने अनेक प्रश्न उभे राहिले आहेत. या प्रकरणात फॉरेन्सिक सायन्स लॅबमध्ये तपासात धक्कादायक खुलासा समोर आला आहे. या मृत युवतीच्या अंडर गारमेंटमध्ये १८ ते २१ वयाच्या युवकाचे स्पर्मचे काही डाग आढळले आहेत. यानंतर पोलिसांचं एसआयटी पथक या वयातील सर्व संशयितांची ओळख पटवत आहे. पोलिसांनी जेलमध्ये बंद हॉस्टेलचा मालक मनिष रंजन याच्या घरीही धाड टाकली आहे.

माहितीनुसार, युवतीच्या कपड्यांच्या एफएसएल तपासणीत नवीन माहिती समोर आली आहे. कुटुंबाने युवतीचे कपडे पोलिसांना सोपवले होते. तपासानंतर पटना पोलिसांनी एक प्रेस रिलीज जारी करून स्पर्म सापडल्याची पुष्टी केली. हे शुक्राणू १८ ते २१ वयोगटातील युवकाचे आहेत असं अहवालात म्हटले. त्याच वयोगटातील संशयितांची ओळख पटवली जात आहे. संशयितांची डीएनए चाचणी केली जाईल अशी माहिती पोलिसांनी दिली.

पोलिसांनी अंदाजे ३० लोकांचे सॅम्पल केले गोळा 

सध्या पोलिसांनी अंदाजे ३० लोकांचे सॅम्पल गोळा केले आहेत. यामध्ये मृत मुलीचे पालक, भाऊ, मामा आणि इतर संशयितांचा समावेश आहे. खरा गुन्हेगार ओळखण्यासाठी पोलीस या सर्व नमुन्यांची तपासणी करत आहेत. या प्रकरणामुळे NEET परीक्षेची तयारी करणाऱ्या विद्यार्थिनीच्या सुरक्षिततेवरही प्रश्नचिन्ह उपस्थित होत आहेत. हॉस्टेलमध्ये अशी घटना होणे चिंताजनक आहे. पोलीस याचा सखोल तपास करत आहे. एफएसएल रिपोर्टमधून मिळालेले पुरावे खूप महत्त्वाचे सिद्ध होऊ शकतात. लवकरच या प्रकरणाचे सत्य समोर येईल अशी आशा पोलिसांना आहे.

काय घडलं होते?

पटनाच्या शंभू गर्ल्स हॉस्टेलमध्ये ६ जानेवारीला नीटची परीक्षा करणाऱ्या युवतीचा मृत्यू झाला होता. या घटनेबाबत ३ दिवसांनी ९ जानेवारीला पोलीस ठाण्यात गुन्हा दाखल करण्यात आला. त्यानंतर हे प्रकरण समोर आले. या प्रकरणाचं गांभीर्य ओळखून तात्काळ हॉस्टेल मालकाला ताब्यात घेण्यात आले. या हॉस्टेलमध्ये २ युवक बेधडक येत जात होते असाही आरोप होत आहे. पोलीस या संपूर्ण प्रकरणाचा तपास करत आहेत.