धक्कादायक! प्रेमसंबंधात ४ वर्षांची लेक ठरली अडथळा, लिव्हइनमध्ये राहणाऱ्या आईनेच घोटला गळा

एका आईने बॉयफ्रेंडसोबत मिळून आपल्याच पोटच्या चिमुकलीचा जीव घेतला. आईचा क्रूरपणा इथेच संपला नाही. तिने मुलीच्या मृतदेहाला एक प्लॅस्टिकच्या पिशवीत भरून भाड्याच्या घरात लवपून ठेवला.

आई आणि तिच्या पोटी जन्माला येणारं मूल यांचं नात हे जगातील सगळ्यात श्रेष्ठ नातं असतं, असं म्हटलं जातं. मात्र, याच नात्याला काळिमा फासणारी एक धक्कादायक घटना नुकतीच समोर आली आहे. राजस्थानच्या बारां गावामध्ये एका आईने बॉयफ्रेंडसोबत मिळून आपल्याच पोटच्या चिमुकलीचा जीव घेतला. आईचा क्रूरपणा इथेच संपला नाही. तिने मुलीच्या मृतदेहाला एक प्लॅस्टिकच्या पिशवीत भरून भाड्याच्या घरात लवपून ठेवला आणि ती आपल्या बॉयफ्रेंडसोबत फरार झाली. बंद घरातून वास येऊ लागल्यावर घर मालकाने दरवाजा उगडला आणि कपाटातून येणारे रक्त पाहून घाबरला. यानंतर तत्काळ पोलिसांना या घटनेची माहिती देण्यात आली. 

पोलिसांनी घटनास्थळी दाखल होत, घरातील बंद कपाट उघडले. या बंद कपाटातील एका प्लॅस्टिकच्या पिशवीत भरून ठेवलेला चिमुकलीचा मृतदेह पोलिसांनी बाहेर काढला. या मुलीचे नाव इशिका असून, त्याच घरात भाड्याने राहणाऱ्या महिलेची मुलगी असल्याचे समोर आले. आईनेच तिच्या बॉयफ्रेंडसोबत मिळून या मुलीची हत्या केली यांनो नंतर दोघे तिथून पसार झाले. 

प्लॅस्टिकची पिशवी कपाटात लपवली!

सहाय्यक उप निरीक्षक हुकूमचंद नागर यांनी माहिती देताना सांगितले की, गावातील जयराम बैरवा यांनी आपल्या बंद घरातील कपाटातून दुर्गंध येत असल्याची माहिती पोलिसांना दिली. पोलिसांनी कपाट उघडून पाहिले असता त्यातील एका प्लॅस्टिकच्या पिशवीत लहान मुलीचा मृतदेह असल्याचे दिसले. ही मुलगी ४ वर्षांची इशिका होती. ती आई रोशन बाई आणि तिचा लिव्हइन पार्टनर महावीरसोबत या घरात राहत होती. या मुलीचा मृतदेह ओढणीत गुंडाळून प्लॅस्टिकच्या पिशवीत भरून कपाटात ठेवण्यात आला होता. आता तिचा मृतदेह भवरगढच्या रुग्णालयात पाठवण्यात आला आहे. 

गळा दाबून चिमुकलीला संपवलं!

महावीर आणि रोशन बाई यांनी जयपूरमध्ये इशिकाची हत्या केली आणि मृतदेह लपवण्यासाठी, तसेच पुरावे नष्ट करण्यासाठी ते जैतपुरा इथे गेले. जयपूरहून मिळालेल्या माहितीनुसार, ही घटना सांगानेर रेल्वे स्थानकाजवळ घडली. याच ठिकाणी महावीर आणि रोशनबाईंनी दोन दिवसांपूर्वी इशिकाचा गळा दाबून खून केला. 

आरोपी आई सात महिन्यांपासून महावीरसोबत लिव्ह-इन रिलेशनशिपमध्ये होती. इशिकाच्या आईचे पहिले लग्न टोंक येथील रविंदर बैरवाशी झाले होते. इशिका त्याची मुलगी होती. शवविच्छेदनानंतर पोलिसांनी मुलीचा मृतदेह अंतिम संस्कारांसाठी तक्रारदार जयराम बैरवा यांच्याकडे सोपवला. सध्या या आरोपींचा शोध घेण्यासाठी एक पथक तयार केले आहे.