Sonam Raghuvanshi news: हमराज मुव्हीची स्टोरी अन् शिलाँगला निघण्यापूर्वी राजाचे व स्वत:चे केलेले वजन; राजाच्या भावाचा सोनमबाबत मोठा दावा

Sonam Raghuvanshi news: शिलाँगला हनिमूनसाठी जाण्यापूर्वी सोनमने राजाचे आणि तिचे वजन तपासले होते. राजाचे वजन ६५ किलो होते, तर सोनमचे त्याच्यापेक्षा चार-पाच किलो जास्त भरले होते.

आजपासून सुमारे २३ वर्षांपूर्वी म्हणजेच २००२ मध्ये हमराज नावाचा एक सिनेमा आलेला. त्यात अक्षय खन्ना जो करण म्हणून अभिनय केला होता त्याने त्यांच्याच एका स्पर्धकाचा खून केला होता. पोलिसांना मृतदेहच न सापडल्याने ती हत्या मानली जात नव्हती. पोलिसांना तो अपघात वाटत होता. या मुव्हीवरूनच सोनम आणि राजने राजा रघुवंशीच्या हत्येचा प्लॅन आखल्याचा दावा राजाच्या भावाने विपिन रघुवंशीने केला आहे. 

शिलाँगला हनिमूनसाठी जाण्यापूर्वी सोनमने राजाचे आणि तिचे वजन तपासले होते. राजाचे वजन ६५ किलो होते, तर सोनमचे त्याच्यापेक्षा चार-पाच किलो जास्त भरले होते. राजाला ती एकटीनेच दरीत ढकलता येईल का याचा अंदाज घेत होती, असा दावा राजाच्या भावाने केला आहे. हमराज सिनेमाच्या धर्तीवर तिने राजाला मारण्याचा प्लॅन बनविला होता, असे त्याने सांगितले. 

दरम्यान, सोनमचा भाऊ गोविंदने आज राजाच्या कुटुंबीयाची भेट घेतली. रडतच तो घरात दाखल झाला. राजाच्या आईचे पाय पकडले आणि ओक्साबोक्शी रडू लागला. आता तुम्ही काही करू नका, मीच सोनमला फाशीची शिक्षा देईन असे त्याने सांगितले. वकीलही मीच पाहणार आहे. तसेच सोनम आणि राज यांचे काही प्रेमसंबंध नव्हते. जे सांगितले जातेय ते खोटे आहे. ती त्याला राखी बांधायची आणि तो तिला ताई म्हणायचा. आम्हाला जर आधीच माहिती असते तर तिचे लग्न का लावून दिले असते. इथपर्यंत गोष्ट गेलीच नसती. राजा माझा प्रिय होता, मी आजपासून त्याच्या कुटुंबाची जबाबदारी घेणार असल्याचे गोविंदने सांगितले. 

सोनमने आपणच राजाची हत्या केल्याचे मेघालय पोलिसांकडे कबुल केल्याचे वृत्त येत आहे. हनीमूनच्या बहाण्याने सोनमने राजाला सोहराच्या निर्जनस्थळी नेले आणि इतर आरोपींना तिथले लोकेशन पाठवले. त्यानंतर सासूला अपरा एकादशीचा उपवास केल्याचे सोनमने खोटे सांगितले ते हॉटेलच्या रेकॉर्डमधून तिने जेवण केल्याचे समोर आले. हत्येनंतर सोनमने राजाच्या सोशल मिडिया अकाऊंटवरून सात जन्मो का साथ ही पोस्ट पोलिसांची दिशाभूल करण्यासाठी केली. पोलिसांना गुवाहाटी रेल्वे स्टेशनजवळ हत्येसाठी वापरलेले शस्त्र सापडले आहे.