राजा रघुवंशी हत्याकांडातील आरोपीला पाहताच राग अनावर, प्रवाशाने ऑन कॅमेरा सणसणीत लगावली, VIDEO व्हायरल

पोलीस या चारही आरोपींना घेऊन विमानतळात प्रवेश करत असताना, आरोपींना पाहून तेथे उभ्या असलेल्या एका प्रवाशाचा राग अनावर झाला आणि त्याने त्यातील एका आरोपीला सणसणीत थापड लगावली.

इंदूर येथील देवी अहिल्याबाई होळकर विमानतळावर मंगळवारी रात्रीच्या सुमारास, राजा रघुवंशी हत्याकांडातील आरोपीला पोलीस घेऊन जात असतानाच, तेथे उपस्थित एका प्रवाशाने आरोपीला सणसणीत लगावल्याची घटना घडली आहे. या संपूर्ण घटनेचा व्हिडिओ सोशल मीडियावर जबरदस्त व्हायरल होत आहे. प्रत्यक्षदर्शिंनी दिलेल्या माहितीनुसार, मेघालय पोलीस चार आरोपींना घेऊन विमानतळात प्रवेश करत असताना ही घटना घडली. 

पोलीस या चारही आरोपींना घेऊन विमानतळात प्रवेश करत असताना, आरोपींना पाहून तेथे उभ्या असलेल्या एका प्रवाशाचा राग अनावर झाला आणि त्याने त्यातील एका आरोपीला सणसणीत थापड लगावली. राजा रघुवंशी हत्येसंदर्भातील आपला राग व्यक्त करण्यासाठी प्रवाशाने हे कृत्य केल्याचे मानले जात आहे.

महत्वाचे म्हणजे, आरोपिंनी मास्क परिधान केले होते. यामुळे थापड कुठल्या आरोपीला लागली, हे स्पष्ट होऊ शकले नाही. या घटनेचा व्हिडिओ सोशल मीडियावर जबरदस्त व्हायरल होत असून यासंदर्भात युजर्सच्या रिअॅक्शन्स देखील येत आहेत.

Indore, Madhya Pradesh: At the Indore Airport, a passenger slapped one of the four accused in the Raja Raghuvanshi murder case, who were being escorted by Shillong Police and Indore Crime Branch for a flight to Shillong on transit remand pic.twitter.com/evB5ppJ2I8

— IANS (@ians_india) June 10, 2025

इंदूरचे अतिरिक्त पोलीस उपायुक्त (एडीसीपी) राजेश दंडोटिया यांनी म्हटले आहे की, चार आरोपींना (राज कुशवाह, विशाल चौहान, आकाश राजपूत आणि आनंद कुर्मी) न्यायालयाकडून ट्रान्झिट रिमांड मिळाल्यानंतर मेघालय पोलिसांचे १२ सदस्यीय पथक शिलाँगला रवाना झाले आहे. २३ मे रोजी मेघालयात राजा रघुवंशी यांच्या हत्येनंतर, या प्रकरणातील मुख्य आरोपी सोनम कथितपणे इंदूरला आली होती.