सायको किलर! दुचाकीस्वारला रस्त्यात अडवून संपवलं, मग मृतदेहाचं मांस खाऊन रक्तही प्यायलं

Madhya Pradesh Damoh Crime: मध्य प्रदेशातील दमोह जिल्ह्यातून काळजाचा ठोका चुकवणारी एक अत्यंत भयानक घटना समोर आली आहे. एका सायको किलरने क्रूरतेच्या सर्व सीमा ओलांडल्या असून, भररस्त्यात हे अंगावर काटा आणणारे राक्षसी कृत्य केले.

मध्य प्रदेशातील दमोह जिल्ह्यात अंगावर काटा आणणारी घटना समोर आली. भररस्त्यात एका दुचाकीस्वाराचा निर्घृण हत्या करण्यात आली असून मृताच्या शरीराचे मांस खाऊन रक्त प्यायल्याचा प्रकार उघडकीस आला आहे. याप्रकरणातील आरोपीला पोलिसांनी बेड्या ठोकल्या असून या राक्षसी कृत्यामुळे संपूर्ण परिसरात दहशतीचे वातावरण पसरले आहे. याप्रकरणी पोलिसांनी पुढील तपासाला सुरुवात केली आहे. 

मिळालेल्या माहितीनुसार, देहात पोलीस ठाण्याच्या हद्दीतील समन्ना गावात ही घटना घडली. अर्थखेडा येथील रहिवासी भरत विश्वकर्मा हा आपल्या दुचाकीवरून बहिणीच्या घरी जात असताना आरोपीने त्याच्या डोक्यावर हातोड्याने प्रहार केला. अचानक झालेल्या हल्ल्यामुळे भरत दुचाकीवरून जमिनीवर कोसळला. त्यानंतर आरोपीने लोखंडी रॉडने त्याच्यावर अनेक वेळा वार केले. मात्र, त्यानंतर आरोपीने जे काही केले, ते पाहिल्यानंतर अनेकांच्या पायाखालची जमीन सरकली.  

प्रत्यक्षदर्शींनी दिलेल्या माहितीनुसार, भरतची हत्या केल्यानंतर आरोपीने आरोपी रस्त्याच्या मधोमध बसून त्याचे मांस खाल्ले आणि रक्त प्यायले. कॉलनीतील लोकांनी आपल्या बाल्कनीतून हा भयानक प्रकार पाहिला आणि काहींनी हे दृश्य मोबाईल कॅमेऱ्यात कैद केले. घटनेची माहिती मिळताच पोलिसांनी घटनास्थळी धाव घेतली. परंतु, आरोपीने पोलिसांवरही हल्ला केला. अखेर पोलिसांनी सर्व बाजूंनी घेराव घालून त्याला बेड्या ठोकल्या.  

आरोपी मनोरुग्ण असल्याची शक्यता

प्राथमिक तपासात समोर आले आहे की, मृत भरत विश्वकर्मा आणि आरोपी यांच्यात कोणताही जुना वाद नव्हते. आरोपी मनोरुग्ण असावा आणि त्याने वेडेपणाच्या भरात हे कृत्य केले असावे, अशी शक्यता व्यक्त केली जात आहे. पोलिसांनी आरोपीला अटक केली असून या प्रकरणाचा अधिक तपास सुरू आहे.