पाचव्या मजल्यावर चढून आत्महत्येचा प्रयत्न करणाऱ्या तरुणीला पोलिसांनी वाचवले 

पाचव्या मजल्यावर चढून एका आत्महत्येचा प्रयत्न केल्याची घटना आज सकाळी ठाण्यातील कोर्ट नाका परिसरात असलेल्या भास्कर बिल्डिंग येथे घडली.

ठाणे - पाचव्या मजल्यावर चढून एका आत्महत्येचा प्रयत्न केल्याची घटना आज सकाळी ठाण्यातील कोर्ट नाका परिसरात असलेल्या भास्कर बिल्डिंग येथे घडली. मात्र पोलीस अधिकारी आणि अग्निशमन दलाच्या अधिकाऱ्यांनी आपला जीव धोक्यात घालून या तरुणीला वाचवले.  

दरम्यान, या तरुणीचे नाव प्रीती त्रिदेव केणे असून, ती कल्याणजवळील आंबिवली येथील रहिवासी असल्याचे समोर आले आहे. आज सकाळी तिने कोर्ट नाका परिसरात असलेल्या भास्कर बिल्डिंगच्या पाचव्या मजल्यावरून उडी मारण्याचा प्रयत्न केला. मात्र पोलीस आणि अग्निशमन दलाने मोठ्या हिमतीने तिला आत्महत्या करण्यापासून परावृत्त केले. या बचावकार्यात एपीआय विश्वास जाधव यांनी महत्त्वाची भूमिका बजावली. 

ठाण्यातील बचाव कार्याचा व्हिडीओ