PMC Bank Director Arora Inquiries Around; The possibility of arrest | PMC बँकेचा संचालक अरोरा चौकशीच्या भोवऱ्यात; अटकेची शक्यता 
PMC बँकेचा संचालक अरोरा चौकशीच्या भोवऱ्यात; अटकेची शक्यता 

ठळक मुद्देपीएमसी बँकेचा संचालक सुरजीतसिंह अरोराला चौकशीसाठी पोलिसांनी ताब्यात घेतले असून सायंकाळपर्यंत अटक होण्याची शक्यता आहे. राकेश आणि सारंग वाधवान माजी अध्यक्ष वरियमसिंग कर्तारसिंग यांना कोर्टाने न्यायालयीन कोठडीत पाठवले आहे.

मुंबई - पीएमसी बँक घोटाळ्याप्रकरणी ईडीने अटक केलेल्या राकेश आणि सारंग वाधवान माजी अध्यक्ष वरियमसिंग कर्तारसिंग यांना कोर्टाने न्यायालयीन कोठडीत पाठवले आहे. त्यामुळे त्यांना जामिनासाठी अर्ज करण्याचा मार्ग मोकळा झाला आहे. पीएमसी घोटाळ्याप्रकरणातील प्रमुख आरोपी आणि बँकेचे माजी व्यवस्थापकीय संचालक जॉय थॉमस कांजिराथिंनगल पाठोपाठ बँकेचे माजी अध्यक्ष वरियमसिंग कर्तारसिंग यांना अटक करण्यात आली होती, तर त्यापैकी जॉयला १७ तारखेपर्यंत पोलीस कोठडी सुनाविण्यात आली आहे. पीएमसी बँकेचा संचालक सुरजीतसिंह अरोराला चौकशीसाठी पोलिसांनी ताब्यात घेतले असून सायंकाळपर्यंत अटक होण्याची शक्यता आहे. 

जॉयला या प्रकरणातील महत्त्वाचा दुवा असून, त्याच्या चौकशीतून पीएमसी आणि एचडीआयएलमधील ४ हजार ३५५ कोटींच्या घोटाळ्यासंबंधी महत्त्वाचे पुरावे हाती लागू शकतात, अशी शक्यता पोलिसांकडून वर्तविण्यात आली होती. यात एचडीआयएलसोबत झालेले व्यवहार, कर्जाबाबत जॉयकडे अधिक चौकशी करणे सुरु आहे. शिवाय, बँकेकडून देण्यात आलेल्या कर्जाचा दुरुपयोग झाल्याचे दिसून येत आहे. या व्यवहाराची माहिती जॉयने ३ वर्षे लपवून ठेवल्याने त्याचा हेतू यातून स्पष्ट होत असल्याचेही पोलिसांनी यावेळी नमूद केले.

English summary :
PMC Bank Director Surjit Singh Arora has been detained by police and is likely to be arrested till evening (16 October 2019). Check latest updates in Marathi on PMC Bank Scam.


Web Title: PMC Bank Director Arora Inquiries Around; The possibility of arrest
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.