Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

पुणे : हॉटेल 'वायकेके'मध्ये जून २०१८ मध्ये पहाटेच्यावेळी गोळीबार झाला होता. यासंदर्भात मार्च २०२१ मध्ये हॉटेल मालकाने दिलेल्या फिर्यादीवरून मुंढवा पोलीस ठाण्यात गुन्हा दाखल करण्यात आला. या दाखल गुन्हयासह मोक्का अंतर्गत केलेल्या कारवाईविरूद्ध आरोपी अजय शिंदे याने वकील सत्यम निंबाळकर यांच्यामार्फत मुंबई उच्च न्यायालयात याचिका दाखल केली होती.या याचिकेच्या सुनावणी दरम्यान ही केस घटनेच्या 30 महिन्यांनंतर दाखल करण्यात आली असून, उशिरा केस दाखल करण्याबाबत कोणतेही कारण देण्यात आलेली नाही. तसेच मुंढवा पोलिसांनी तपास करून कोणताच गोळीबार झाला नसल्याचा शेरा नोंदविला आहे. ही कारवाई उशीरा सूडबुद्धधी आणि राजकीय हेतूने केली असल्याचा युक्तिवाद निंबाळकर यांनी केला. हा युक्तीवाद ग्राह्य धरीत उच्च न्यायालयाच्या खंडपीठाने गुन्हयाच्या तपासाला शनिवारी (दि.१७ ) स्थगिती दिली. मोक्का प्रकरणात न्यायालयाने स्थगिती दिलेली ही पहिलीच केस आहे.यासंदर्भात हॉटेलचे मालक विशाल सतीश मोदी यांनी मुंढवा पोलीस ठाण्यात फिर्याद दिली आहे. हॉटेलमध्ये पार्टीसाठी आलेल्या निलेशचे स्वागत करण्यासाठी हॉटेलचे मालक रिषभ गुप्ता याने वारंवार अनाऊसमेंट केल्याने सचिन पोटे याचा अहंपणा दुखावला गेला आणि त्याने निलेश चव्हाण याच्यावर जीवघेणा हल्ला करून हॉटेलची तोडफोड केली असे फिर्यादीत म्हटले आहे.याप्रकरणी सचिन पोटे, अजय शिंदे आणि त्यांच्या साथीदारांविरूद्ध गुन्हा दाखल करण्यात आला. या केसमध्ये आरोपींवर मोक्का अंतर्गत देखील कारवाई करण्यात आली. सत्यम निंबाळकर यांनी अजय शिंदे द्वारे दाखल केलेल्या याचिकेवर सुनावणी होऊन गुन्हयाच्या तपासावर स्थगिती देण्यात आली आहे. पुणे पोलिसांना या गुन्हयात आरोपींवर कोणतीही कारवाई करता येणार नाही. या याचिकेची पुढील सुनावणी 9 सप्टेंबरला होणार आहे.-------------------------------------------------------------------------------------------------------------------------

Crime (Marathi News)

भ्रष्टाचारातून अभियंत्यानं जमवलेली माया पाहून पोलीस कर्मचारी चक्रावले ...

विरोध करणाऱ्या खेळाडूला मैदानाबाहेर बसवण्याची धमकी दिली जाते ...

गुमनावारा येथे राहणारी जगमोहन यांची २१ वर्षीय मुलगी यशस्वी रविवारी रात्री तिच्या रुममध्ये एकटीच होती. ...

ही घटना १८ डिसेंबर २०१७ ते जुलै २०२१ दरम्यान घडली आहे. ...

Crime News : लातूर पाेलिसांची कारवाई : आकरा लाखांचा मुद्देमाल जप्त ...

Pegasus : हे एक अतिशय अॅडव्हान्स आणि पॉवरफूल टूल आहे. ...

मोक्का प्रकरणात न्यायालयाने स्थगिती दिलेली ही पहिलीच केस ...