आईच्या अनैतिक संबंधात अडसर, चिमुकल्याला प्रियकराने केले ठार 

आरोपीचे आणि सुमितच्या आईचे अनैतिक संबंध होते. त्यात अडसर ठरत असल्याने आरोपीने सुमितचे अपहरण करून त्याला चास कमान धरणाच्या वाहत्या डाव्या कालव्यात फेकून त्याची हत्या केल्याची कबुली पोलिसांसमोर दिली आहे.

पुणे - राजगुरु नगर येथे एक खळबळजनक प्रकार उघडकीस आला आहे. एका १० वर्षीय मुलाचे अपहरण करून त्याची हत्या करण्यात आली आहे. सुमित सावंत असं या मृत मुलाचे नाव आहे. १५ ऑगस्ट रोजी मित्रांसोबत खेळायला गेलेला सुमित अचानक बेपत्ता झाला होता. या प्रकरणी पोलिसांनी वसंत गोपाळे (वय - 40) या आरोपीला अटक केली असून त्याने खूनाची कबुली दिली आहे.  या प्रकरणी पोलिसांनी वसंत गोपाळे  या सुमितच्या आत्याच्या नवऱ्याला अटक केली आहे. आरोपीचे आणि सुमितच्या आईचे अनैतिक संबंध होते. त्यात अडसर ठरत असल्याने आरोपीने सुमितचे अपहरण करून त्याला चास कमान धरणाच्या वाहत्या डाव्या कालव्यात फेकून त्याची हत्या केल्याची कबुली पोलिसांसमोर दिली आहे.

१५ ऑगस्ट रोजी मित्रांसोबत नेहमीप्रमाणे खेळायला गेलेला सुमित रात्रीत घरी परतला नाही. म्हणून त्याचे वडील रविंद्र सावंत यांनी शोधाशोध सुरु केली. मात्र, सुमित काही पत्ता लागत नव्हता. अखेर त्यांनी काल खेड पोलीस ठाण्यात सुमित हरवल्याची तक्रार दाखल केली. या प्रकरणी पोलिस तपास सुरु असताना शनिवारी चास कमान धरणाच्या डाव्या कालव्यात सुमितचा मृतदेह आढळून आला. दरम्यान, पोलिसांनी तपास केला असता सुमितचे अपहरण करून त्याचा अनैतिक संबंधातून खुन झाल्याचे समोर आले आहे.