पुण्यात तरुणाच्या डोक्यात दगड घालून खून 

ही घटना गंगानगरमधील स्मशानभूमीजवळ आज सकाळी साडेआठ वाजता उघडकीस आली.

पुणे : हडपसरमधील गंगानगर येथे एका तरुणाच्या डोक्यात दगड घालून खून करण्यात आल्याचा प्रकार समोर आला आहे. बसवराज कांबळे (वय २३, रा. गंगानगर, हडपसर) असे या तरुणाचे नाव आहे. ही घटना गंगानगरमधील स्मशानभूमीजवळ आज सकाळी साडेआठ वाजता उघडकीस आली. 

या घटनेची माहिती मिळताच पोलीस उपायुक्त सुहास बावचे हे घटनास्थळी दाखल झाले असून हडपसर पोलीस अधिक माहिती घेत आहेत. बसवराज कांबळे याच्या घरापासून काही अंतरावर हा प्रकार घडला आहे. या खुनामागील कारण अद्याप समजले नसून आरोपीने अज्ञात कारणावरुन कांबळे याच्या डोक्यात दगड घालून त्याचा खून केल्याचे प्राथमिक तपासावरुन दिसून येत आहे.

घटनास्थळी पोलिसांना रक्त लागलेला दगड आढळून आला आहे़. हडपसर पोलीस अधिक तपास करीत आहेत.