प्रियकर राज शिलाँगला गेलाच नाही! राजाच्या हत्येची सुपारी अन् सोनमसोबत गुपचूप फोनाफोनी...   

Sonam RaghuWanshi: सोनम हनिमूनला जाणार होती. ती लग्न झाल्या झाल्याच हनिमूनला निघण्यासाठी पती राजाच्या मागे लागली होती. परंतू, राजाने काही दिवसांनी जाऊ असे सांगितले होते.

हनिमूनला शिलाँगला गेलेल्या राजा रघुवंशीची मारेकरी त्याची पत्नी सोनम रघुवंशीत निघाली आहे. गेल्या १६ दिवसांपासून चर्चेत असलेल्या या प्रकरणाचा आता एकेक धागा समोर येऊ लागला आहे. १६ दिवसांचा सस्पेंस २४ तासांत उलगडला आहे. आपले साथीदार पकडले गेल्याचे समजताच शातीर प्लॅन आखणाऱ्या सोनमने देखील सरेंडर केले आहे. सोनम आणि तिचा प्रियकर राज कुशवाहा या दोघांनी मिळून राजाचा काटा काढण्याचा प्लॅन आखला होता. तो आता समोर आला आहे. 

सोनम बेवफा...! ज्या राजसाठी राजाला मारले, त्यांची प्रेम कहाणी समोर आली

सोनम हनिमूनला जाणार होती. ती लग्न झाल्या झाल्याच हनिमूनला निघण्यासाठी पती राजाच्या मागे लागली होती. परंतू, राजाने काही दिवसांनी जाऊ असे सांगितले होते. त्यांना पहलगामला जायचे होते. परंतू तिथे हल्ला झाल्याने शिलाँग ठरले. सोनमच्या मनात वेगळाच प्लॅन असल्याने तिने झटकन जायची तिकीटे बुक केली, परंतू यायची केली नाही. त्याची माहिती तिने राजकडूनच घेतली होती. राजकडे सुपारी किलर होते, त्याने त्यांना विचारून मगच सोनमला ग्रीन सिग्नल दिला होता. 

सोनम आणि राजा शिलाँगला निघाले तसे हे तीन कॉन्ट्रॅक्ट किलर्सदेखील शिलाँगला पाठोपाठ निघाले होते. राज मात्र सोनमच्या वडिलांच्या फॅक्टरीतच काम करत होता. तो शिलाँगला गेलाच नाही, असे पोलीस चौकशीत समोर आले आहे. तो केवळ फोनवरून सोनम आणि सुपारी घेणारे यांच्याशी संपर्कात होता. राजने सांगितल्यानुसार सोनम त्या कॉन्ट्रॅक्ट किलर्सना भेटली. यानंतर सारे चेरापुंजीला गेले. तिथे सोनम ठरल्याप्रमाणे राजाला घेऊन निर्मनुष्य रस्त्यावर गेली. तिथे आधीच हे तिघे होते. त्यांनी राजाला मारत त्याची हत्या केली. 

राजाचा मृतदेह दरीत फेकल्यावर सोनम आणि आकाश, विशाल आणि आनंद हे तिघे किलर्स शिलाँगला आले होते. तिथून ते गुवाहाटीला गेले. गुवाहाटीला एक दिवस राहून सोनम आणि हे तिघे असे चौघे वेगवेगळ्या मार्गाने परतीच्या प्रवासाला निघाले. परंतू, जेव्हा सोनमचा मृतदेह सापडला नाही तेव्हाच पोलिसांना सोनमवर संशय आला होता. तिचाच राजाच्या हत्येमागे मोठा हात असल्याचा संशय होता. ज्या गाईडने या तिघांना सोनम आणि राजासोबत पाहिले होते, त्याला हिंदी येत नव्हती. त्याला मेघायलची भाषा आणि इंग्रजी येत होती. यामुळे हे चौघे हिंदीत काय बोलत होते ते समजले नाही. चार पुरुष पुढे चालत होते, तर सोनम मागे फोनवर बोलत, चॅट करत चालत होती. परंतू, त्याने दिलेली ही टीप पोलिसांच्या कामी आली आणि पुढे तपासाला दिशा मिळाली.