दोन बायकांना सोडून लागला तिसरीच्या मागे; एकीशी हिंदू तर दुसरीशी मुस्लिम बनून केलं लग्न

Fraud Case : आरोपी तरुणाच्या दोन्ही पत्नींनी एकत्रितपणे प्रताप नगर पोलिस स्टेशन गाठून आरोपीविरुद्ध गुन्हा दाखल केल्यावर हा प्रकार उघडकीस आला. आरोपी पती फरार आहे.

जोधपूर - दोन पत्नींना मारहाण केल्यानंतर आता एक तरुण तिसरे लग्न करण्याच्या तयारीत आहे. हे विचित्र प्रकरण आहे जोधपूरचे. आरोपी तरुणाच्या दोन्ही पत्नींनी एकत्रितपणे प्रताप नगर पोलिस स्टेशन गाठून आरोपीविरुद्ध गुन्हा दाखल केल्यावर हा प्रकार उघडकीस आला. आरोपी पती फरार आहे.

फसवणूक करून एकीने राजूशी तर दुसरीने इम्रानशी लग्न केले
आरोपी तरुणाने एकीशी राजू असल्याचे भासवून लग्न केले तर दुसरीही इम्रान असल्याचं सांगून निकाह केल्याचा आरोप दोन्ही पत्नींनी केला आहे. तसेच आता तो तिसऱ्या लग्नाच्या तयारीला लागला आहे. दोघींचे म्हणणे आहे की, आधी आम्हाला फसवून लग्न केले. त्यानंतर त्याला बेदम मारहाण करून घराबाहेर हाकलून दिले. पतीने दोन्ही महिलांना सोडले आहे. आता तिसऱ्या महिलेचे आयुष्य उद्ध्वस्त होणार असल्याने तिने पतीविरुद्ध पोलीस ठाण्यात गुन्हा दाखल केला. प्रतापनगर पोलीस ठाण्यात गुन्हा दाखल करून तपास सुरू आहे.

२०११ मध्ये पहिले लग्न,२०२१ मध्ये दुसरे लग्न, आता दोघींनाही सोडून गेला

आरोपीने २०११ मध्ये हिंदू असल्याचे भासवून लग्न केल्याचे दोन्ही महिलांनी तक्रारीत म्हटले आहे. त्यानंतर २९ जुलै २०२१ रोजी मुस्लिम बनून मुस्लिम मुलीशी लग्न केले. आता या व्यक्तीने त्या दोघांनाही सोडले आहे. दोन्ही मुलींना घरोघरी भटकावे लागत आहे. आरोपी दुकान चालवतो असे दोघांनी सांगितले. पण तो तिथेही सापडला नाही.

हिंदू मुलीने सांगितले की, तिने मंदिरात सात फेरे मारले, नंतर मारहाण करून घराबाहेर काढले 

हिंदू मुलगी नीतू हिने सांगितले की, आरोपीने २०११ मध्ये तिच्यासोबत मंदिरात सात फेरे मारून लग्न केले. लग्नाच्या काही काळानंतर त्याने तिला मारहाण करण्यास सुरुवात केली. नंतर घरातून हाकलून दिले. तीही परत गेली नाही. बऱ्याच दिवसांनी तिला समजले की, इम्रान दुसऱ्या मुलीशी लग्न करत आहे. यादरम्यान इम्रानने मुस्लिम तरुणी आयशाशी लग्न केले. तिच्यासोबत राहू लागला. मात्र काही दिवसांनी तो तिलाही मारहाण करू लागला. नंतर घरातून हाकलून दिले. यादरम्यान आयशाला नीतूबद्दल माहिती मिळाली.

आयशाने १० नोव्हेंबर रोजी पोलीस ठाण्यात गुन्हा दाखल केला होता. इम्रानची चौकशी करण्यासाठी पोलीस पोहोचले तेव्हा तो या शहरात नसल्याचे कळले. पोलिसांनी याप्रकरणी पुढील कारवाई न केल्याने रविवारी दोन्ही महिला पुढे आल्या. पोलिसांकडे  दोन्ही मुलींनी आरोपीला लवकरात लवकर अटक करण्याची मागणी करत आहेत. तर पोलीस इम्रानचा शोध घेत आहेत.