मी बोलू शकत नाही आता तुला ... नवऱ्याच्या टोमण्यांना कंटाळून पत्नीने पतीची जीभ चावली

The wife bit her husband's tongue : या घटनेत पत्नीने उचललेले हे भयंकर पाऊल पाहून सगळेच अचंबित झाले आहेत.

बरेली : बरेलीमध्ये एका महिलेने आपल्याच पतीची जीभ दाताने चावली. यामुळे पतीला रक्तस्त्राव झाला. त्याला उपचारासाठी खासगी रुग्णालयात दाखल करण्यात आले आहे. ही घटना बुधवारी रात्री घडली. जिल्ह्यातील शीसगड पोलीस स्टेशन हद्दीतील बल्ली गावात ही घटना घडली. या घटनेत पत्नीने उचललेले हे भयंकर पाऊल पाहून सगळेच अचंबित झाले आहेत.

बायको बोलत नाही म्हणून टोमणे मारायचा
पती श्रीपाल मौर्य हा मजूर आहे. वर्षभरापूर्वी त्याचे बिहारमधील एका महिलेशी लग्न झाले होते. महिला मुकी असल्याने तिला बोलता येत नाही, फक्त ऐकू येते. बोलण्याऐवजी ती हातवारे करून तिचा मुद्दा समजावून सांगते. श्रीपाल बोलत नाही म्हणून अनेकदा टोमणे मारायचा. तो दररोज पत्नीला मारहाण करायचा. ही महिला टोमणे आणि मारहाणीला कंटाळली होती, असे सांगण्यात येत आहे.

बुधवारी रात्री श्रीपाल त्यांच्या घरी आला आणि थकल्यामुळे तो झोपला, असे सांगितले जाते. इतक्यात त्यांच्या पत्नीने जेवण बनवले आणि पतीला जेवायला उठवायला सुरुवात केली, पण जेवण्याऐवजी श्रीपालने तिला शिवीगाळ केली आणि तिला पुन्हा काही बोलता येत नाही असा टोमणा मारला, त्यामुळे महिलेला इतका राग आला की, तिला श्रीपालला दाताने चावावे लागले. त्याची जीभ चावून तुकडा पडला. श्रीपालची जीभ पूर्ण ताकदीने चावल्यामुळे रक्तस्त्राव झाला. त्याने आरडाओरड केल्याने घरातील लोक जमा झाले. त्यांना खासगी रुग्णालयात दाखल करण्यात आले असून, त्याच्यावर उपचार सुरू आहेत.

महिलेने हावभावात सगळा प्रकार सांगितला
श्रीपालची जीभ कापल्यानंतर महिलेने सर्व प्रकार लोकांना सांगितला. टोमणे ऐकून आणि मारहाणीला कंटाळून तिने हे कृत्य केल्याचे हावभावात सांगितले. आतापर्यंत श्रीपालच्या कुटुंबीयांनी पत्नीवर कोणतीही पोलीस कारवाई केली नसली तरी महिलेच्या या कृत्याने सर्वजण आश्चर्यचकित झाले आहेत.