मैत्रिणीसोबत संबंध बनवण्यास भाग पाडते, नको नको ते करायला लावते; पत्नीच्या छळाला पती वैतागला

माझ्याकडील आवश्यक कागदपत्रे, रोकड आणि दागिनेही पत्नीने तिच्याजवळ ठेवले.

बंगळुरू - शहरातील अमृतहल्ली पोलीस स्टेशनला एक दुर्मिळ गुन्हा नोंद झाला आहे. एका व्यक्तीने त्याच्या पत्नीविरोधात पोलीस ठाण्यात धाव घेतली. दीर्घ काळापासून पती लैंगिक आणि मानसिक छळ सहन करत असल्याची ही तक्रार आहे. पत्नी अनैसर्गिक लैंगिक कृत्य करण्यासाठी भाग पाडते आणि विरोध केल्यावर माझा छळ करते असा आरोप पतीने केला आहे.

पतीने पोलीस स्टेशनला केलेल्या तक्रारीनुसार, पत्नी कायम मला अश्लील व्हिडिओ पाठवते आणि त्या व्हिडिओत दाखवलेल्या कृत्यासारखे तिच्यासोबत करण्यास भाग पाडते. इतकेच नाही तर पत्नी तिच्या मैत्रिणींसोबतही शारीरिक संबंध बनवण्याचा दबाव टाकते. पती पत्नी यांच्यातील खासगी क्षण मैत्रिणींसोबत शेअर करते असा पतीने आरोप केला आहे. 

त्याशिवाय पत्नीने लग्नाआधी आणि आताही परपुरुषांसोबत संबंध बनवल्याचे तिने उघडपणे सांगितले आहे. माझी आर्थिक परिस्थिती तिच्या उच्च राहणीमानाला मानवत नाही. पत्नीला दारू पिण्याची सवय आहे. मित्रांसोबत ती वारंवार वेळ घालवत असते असा आरोपही तक्रारदार पतीने पत्नीविरोधात केला आहे.

दरम्यान, ४ जुलै २०२४ रोजी कौटुंबिक मध्यस्थांमुळे छळ करणे कमी झाले. परंतु सासरच्यांनी मला मारहाण केली आहे. माझ्या घरातून माझा विश्वासघात करून बाहेर काढले. माझ्याकडील आवश्यक कागदपत्रे, रोकड आणि दागिनेही पत्नीने तिच्याजवळ ठेवले. जे ती परत देत नाही असंही पतीने पत्नीविरोधात म्हटलं आहे. पतीच्या तक्रारीवरून पोलिसांनी पत्नीविरोधात गुन्हा दाखल केला आहे. सध्या पोलीस दोन्ही बाजूने या प्रकरणाचा तपास करत आहे.