क्षुल्लक कारणावरून मारहाण करत पोटावर चाकूने केले सपासप वार

Assaulting Case : या रागातून विजय व पंकज यांनी चाकूने हल्ला करून गंभीर जखमी केले. याप्रकरणी हिललाईन पोलीस ठाण्यात गुन्हा दाखल झाला.

सदानंद नाईक

उल्हासनगर : कॅम्प नं-५ येथील पंचरत्न इमारतीच्या समोर शनिवारी रात्री साडे बारा वाजता मित्रासोबत बोलत असलेल्या रोहित कांजने यांनी तेथून जात असलेल्या विजय रूपानी व पंकज यांना हटकले. या रागातून विजय व पंकज यांनी चाकूने हल्ला करून गंभीर जखमी केले. याप्रकरणी हिललाईन पोलीस ठाण्यात गुन्हा दाखल झाला.

 उल्हासनगर कॅम्प नं-५ परिसरात राहणारे रोहित कांजने हे शनिवारी रात्री साडे बारा वाजता इमारती समोर मित्र धीरज जुमराणी, विशाल चुग व हिरो कलानी यांच्या सॊबत बोलत होते. त्यावेळी मोटरसायकल वरून विजय रूपानी व पंकज जात असताना त्यांना हाय केले. जाताना का हटकले? या रागातून विजय रूपानी व पंकज यांनी रोहित कांजन याला पकडून मारहाण करीत पोटावर चाकूने वार केले. हल्ल्यात गंभीर जखमी झालेल्या रोहितवर खाजगी रुग्णालयात उपचार सुरू आहे. याप्रकरणी हिललाईन पोलीस ठाण्यात गुन्हा दाखल झाला आहे.