पांढरकवडा (यवतमाळ) : पोटच्या अल्पवयीन मुलीवर बलात्कार करणाऱ्या नराधम पित्याला येथील न्यायालयाने शनिवारी १० वर्षांचा सश्रम कारावास व एक हजार रूपये दंडाची शिक्षा ठोठावली. वणी तालुक्यातील भांदेवाडा येथील रहिवासी असलेल्या ४८ वर्षीय इसमाने घरात टिव्ही पाहत बसून असलेल्या स्वत:च्या अल्पवयीन मुलीचे हातपाय बांधून तिच्यावर अत्याचार केला होता. ही बाब कुणाला सांगितल्यास तिला जीवे मारण्याची धमकीही दिली होती.
एवढेच नव्हे तर घराबाहेर जाताना तो पीडित मुलीला घरात डांबून ठेवत होता. ही बाब पीडितेचा भाऊ व मावशीला कळली. त्यानंतर १४ जुलै २०१६ रोजी भाऊ व मावशी सोबत घेऊन पीडित मुलीने पांढरकवडा पोलीस ठाण्यात याप्रकरणी तक्रार दाखल केली. पोलिसांनी तक्रारीवरून आरोपी नराधम पित्याविरूद्ध भादंवि ३७६, ३७६ एफजेके, ३४२, ५०६ तसेच बाल लैंगीक अत्याचार प्रतिबंधक कायद्याअंतर्गत कलम ४, ६, १२ तथा माहिती तंत्रज्ञान कायदा ६६-ई, ६७-ब अंतर्गत गुन्हा नोंद करण्यात आला. तपासाअंती आरोपीविरूद्ध सबळ पुरावा उपलब्ध झाल्याने पांढरकवडाचे तत्कालिन पोलीस निरीक्षक गुलाबराव वाघ यांनी पांढरकवडा येथील सत्र न्यायालयात दोषारोपपत्र दाखल केले.
या खटल्यात सरकारी पक्षातर्फे अॅड.अजय गोते यांनी ११ साक्षीदार तपासले. त्यामध्ये अल्पवयीन पीडित मुलीची साक्ष महत्वाची ठरली. तसेच घटनास्थळावरील प्रत्यक्ष साक्षीदारांचीही साक्ष महत्वाची ठरली. सरकारी पक्षातर्फे करण्यात आलेला युक्तीवाद न्ययमूर्ती पी.बी.नाईकवाड यांनी ग्राह्य धरून आरोपीला पीडित मुलीवर बलात्कार केल्याप्रकरणी १० वर्षांचा सश्रम कारावास तसेच एक हजार रूपये दंड व पीडितेस घरात डांबून ठेवल्याच्या आरोपाखाली एक वर्ष सश्रम कारावासाची शिक्षा ठोठावली. या खटल्यात पैरवी अधिकारी म्हणून जमादार संतोष राऊत यांनी काम पाहिले.
अन्य महत्वाच्या बातम्या...
९० वर्षीय नवऱ्याला रॉकेल टाकून पेटवले अन् स्वत:ही जीव सोडला; कारण ऐकून धक्का बसेल
गुंतवणूकीवर दुप्पट परताव्याचे आमिष दाखवून तिघांना लाखोंचा गंडा
अखेर पाक सरकार झुकलं; कुलभूषण जाधव यांना भारतीय दूतावासातील २ अधिकारी भेटणार
...अन् 'बेबी पेंग्विन' हॅशटॅग ट्रेंड झाला!; जाणून घ्या आदित्य ठाकरेचं काय आहे 'कनेक्शन'
मदरशामध्ये शिक्षकाने चार वर्षे केला विद्यार्थिनीवर बलात्कार; आता गुन्हा दाखल झाला
पनवेलच्या क्वारंटाईन सेंटरमध्ये २५ वर्षीय तरुणीचं लैंगिक शौषण, विकृत प्रकार आला समोर