पंतप्रधान नरेंद्र मोदी यांनी गेल्या रविवारी ज्या नवीन मेट्रो कॉरिडॉरचे भव्य उद्घाटन केलं होतं, त्याबाबत अवघ्या चार दिवसांतच धक्कादायक माहिती समोर आली आहे. दिपाली चौक ते मजलिस पार्क दरम्यान सिग्नलिंग केबलची मोठी चोरी झाल्यामुळे गुरुवारी मेट्रोच्या वेगाला 'ब्रेक' लागला, ज्याचा प्रवाशांना मोठा फटका बसला.
दिल्ली मेट्रो रेल कॉर्पोरेशनच्य एका अधिकाऱ्याने दिलेल्या माहितीनुसार, भलस्वा आणि मजलिस पार्क स्थानकांदरम्यान चोरांनी ५०० मीटर सिग्नलिंग केबल लंपास केली. गुरुवारी सकाळी ही चोरी उघडकीस आल्यानंतर सुरक्षेच्या कारणास्तव गाड्यांचा वेग ताशी २५ किलोमीटरपर्यंत मर्यादित ठेवण्यात आला होता. मेट्रोचा सामान्य वेग यापेक्षा कितीतरी जास्त असल्याने प्रवाशांना इच्छित स्थळी पोहोचण्यास उशीर झाला.
DMRC ने स्पष्ट केलं आहे की, प्रवाशांची वर्दळ असताना सिग्नलिंग केबल टाकणं शक्य नाही, कारण यामुळे सेवा पूर्णपणे ठप्प होऊ शकते. प्रवाशांची गैरसोय टाळण्यासाठी दुरुस्तीचं काम रात्री हाती घेतलं जाणार आहे.
रविवारी पिंक लाईनवरील मजलिस पार्क ते मौजपूर-बाबरपूर आणि दिपाली चौक ते मजलिस पार्क याचं उद्घाटन झालं होतं. उद्घाटनानंतर चार दिवसांतच झालेली ही चोरी आणि सुरक्षा यंत्रणेतील त्रुटींनी प्रशासनासमोर मोठं आव्हान उभं केलं आहे. सध्या सुरक्षा यंत्रणांच्या मदतीने तपास सुरू असून सीसीटीव्ही फुटेजच्या आधारे चोरांचा शोध घेतला जात आहे.
Web Summary : Just four days after its inauguration by PM Modi, a 500-meter cable theft on the Delhi Metro's new corridor disrupted services. The incident, between Bhalswa and Majlis Park, caused delays, with trains limited to 25 kmph. Repairs are planned overnight to minimize passenger inconvenience.
Web Summary : पीएम मोदी द्वारा उद्घाटन के चार दिन बाद, दिल्ली मेट्रो की नई लाइन पर 500 मीटर केबल चोरी हो गई, जिससे सेवाएं बाधित हुईं। भलस्वा और मजलिस पार्क के बीच हुई इस घटना से ट्रेनों की गति 25 किमी प्रति घंटे तक सीमित हो गई। यात्रियों की असुविधा कम करने के लिए रात में मरम्मत की योजना है।