धक्कादायक! 4 वर्षीय चिमुकलीवर 34 वर्षीय नराधमाचा अत्याचार; परिसरात तणाव...

या घटनेनंतर संतत्प नागरिकांनी आरोपीच्या घराचा घेराव घातला आणि पोलिसांकडे कडक कारवाईची मागणी केली.

Delhi Crime: पूर्व दिल्लीतून अतिशय धक्कादायक घटना समोर आली आहे. एका कोचिंग सेंटरमध्ये चार वर्षीय चिमुकलीवर बलात्कार झाला आहे. आरोपी नराधम ट्युशन देणाऱ्या शिक्षिकेचा भाऊ असून, पोलिसांनी त्याला ताब्यात घेतले आहे. या धक्कादायक घटनेनतंर चिमुकलीला गंभीर अवस्थेत रुग्णालयात दाखल करण्यात आले. दरम्यान, या घटनेमुळे परिसरात तणाव निर्माण झाला आहे. शेकडोच्या संख्येने आरोपीच्या घराबाहेर जमले, गाडीची तोडफोड केली. 

मिळालेल्या माहितीनुसार, ही घटना पूर्व दिल्लीतील पांडव नगरमध्ये घडली. याच परिसरात राहणारी एक मुलगी लहान मुलांची ट्युशन घ्यायची. तिच्या ट्युशनमध्ये चार वर्षांची पीडित चिमुकली यायची. काल (दि.23) ट्युशन देणारी मुलगी घरात हजर नसताना 34 वर्षीय आरोपीने त्या निष्पाप मुलीला शिकवण्याच्या बहाण्याने घरात घेतले आणि तिच्यावर तिच्यावर बलात्कार केला. बलात्कारानंतर आरोपीने पीडित मुलीला जीवे मारण्याची धमकीही दिली.

#WATCH | Delhi: People protested and vandalised cars in the Pandav Nagar area after a 4-year-old girl was allegedly raped by a man at her tuition centre. https://t.co/xNaRoxHOFvpic.twitter.com/AnmmlN9wIT

— ANI (@ANI) March 24, 2024

घटनेनंतर मुलगी रडत-रडत घरी पोहोचली. तिच्या घरच्यांनी तिला रडण्याचे कारण विचारले असता ती आणखीनच रडू लागली. पालकांनी तिची समजूनत काढली आणि तिला जवळ घेऊन विचारले असता, तिने तिच्यावर घडलेला संपूर्ण प्रसंग सांगितला. यानंतर पालकांनी मुलीला घेऊन थेट मांडवली पोलीस ठाणे गाठले आणि आरोपीविरोधात गुन्हा दाखल केला.

दुसरीकडे चिमुकलीवर बलात्कार झाल्याची घटना समोर आल्यानंतर संपूर्ण परिसरात संतापाचे वातावरण आहे. आज सकाळपासून नागरिक रस्त्यावर उतरले असून, आरोपीवर कडक कारवाईची मागणी करत आहेत. यावेळी संतप्त नागरिकांनी आरोपीची कारही फोडली. सध्या मुलीला उपचारासाठी एम्समध्ये दाखल करण्यात आले आहे. याप्रकरणी दिल्ली सरकारच्या मंत्री आतिशी यांनी उप-राज्यपालांकडे कडक कारवाईची मागणी केली आहे.