माणुसकीला काळीमा! पती अन् मुलांच्या डोळ्यांदेखत महिलेवर सामूहिक बलात्कार, घटनेने खळबळ

Crime News : विवाहित महिलेवर पती आणि मुलांसमोर सामूहिक बलात्कार केल्याची धक्कादायक घटना घडली आहे.

नवी दिल्ली - देशात महिलांवरील अत्याचाराच्या, बलात्काराच्या घटनांमध्ये सातत्याने वाढ होत आहे. याच दरम्यान माणुसकीला काळीमा फासणारी एक घटना समोर आली आहे. विवाहित महिलेवर पती आणि मुलांसमोर सामूहिक बलात्कार केल्याची धक्कादायक घटना घडली आहे. राजस्थानमधील ढोलपूर जिल्ह्यात ही भयंकर घटना घडली आहे. पीडित महिलेने पोलीस ठाण्यात तक्रार दिली आहे. यामध्ये महिलेने सहा जणांविरोधात बलात्काराचा आरोप केला आहे. या घटनेने परिसरात एकच खळबळ उडाली आहे.  

मिळालेल्या माहितीनुसार, महिला आपला पती आणि दोन मुलांसोबत शेतातून परतत असताना ही घटना घडली. सहा जणांनी त्यांना अडवलं आणि बंदुकीचा धाक दाखवत धमकावलं. आरोपींनी महिलेच्या पतीला मारहाण केली आणि यानंतर सहापैकी दोघांनी मुलांसमोर महिलेवर बलात्कार केला. यानंतर त्यांनी घटनास्थळावरुन पळ काढला. महिलेची मुलं आपल्या आईची नराधमांच्या तावडीतून सुटका व्हावी म्हणून रडत होती. ओरडत होती. पण त्याचा काहीच फायदा झाला आहे. 

National Commission for Women (NCW) takes cognizance of alleged gang rape of a 26-year-old woman at gunpoint in front of her children and husband in Rajasthan's Dholpur district, writes to DGP Rajasthan to register an FIR against unknown accused persons. pic.twitter.com/v6q7uziGLP

— ANI (@ANI) March 20, 2022

महिलेने पोलिसांकडे दिलेल्या जबाबानुसार, आपल्या पतीलाही आरोपींकडून मारहाण करण्यात आली. पोलिसांनी बलात्कार, शारीरीक छळ तसेच विविध कलमांतर्गंत गुन्हा दाखल केल्याची माहिती पोलीस उपअधीक्षक विजय कुमार सिंह यांनी दिली आहे. राष्ट्रीय महिला आयोगाने या घटनेची दखल घेतली आहे. पोलीस याप्रकरणाचा अधिक तपास करत असून फरार आरोपींचा शोध घेत आहेत. एका हिंदी वेबसाईटने याबाबतचे वृत्त दिले आहे.