नवी दिल्ली - राजस्थानच्या बिजलिया परिसरात एक धक्कादायक घटना घडली आहे. एका सरकारी क्वार्टरमध्ये अल्पवयीन मुलाचा मृतदेह आढळून आल्याने एकच खळबळ उडाली आहे. यानंतर मुलाच्या कुटुंबीयांनी दुष्कर्म आणि हत्येचा गंभीर आरोप केला आहे. शेजारी राहणाऱ्या एका तरुणावर मुलाच्या नातेवाईकांनी आता आरोप केले आहे. पोलीस या प्रकरणाचा अधिक तपास करत आहेत. एका जुन्या सरकारी क्वार्टरमध्ये शिनाख्त परिसरात राहणाऱ्या एका 14 वर्षीय मुलाचा मृतदेह आढळून आला आहे. या घटनेने सर्वांनाच धक्का बसला आहे.
मुलाच्या वडिलांनी पोलिसांना दिलेल्या माहितीनुसार, शेजारी राहणारा मुलगा आपल्या मुलाला त्याच्या घरी बोलवण्यास आला होता. त्यानंतर मुलगा त्याच्यासोबत निघून गेला पण तो परत घरी आलाच नाही. गावातील लोकांनी आणि नातेवाईकांनी मुलाला सर्वत्र शोधलं पण मुलगा कुठेच सापडला नाही. त्यानंतर सरकारी क्वार्टरमध्ये संशयास्पद अवस्थेत मुलाचा मृतदेह आढळून आला आहे. त्यामुळेच कुटुंबीयांनी मुलासोबत दुष्कर्म करून त्याची हत्या केल्याचं म्हटलं आहे. याप्रकरणी पोलिसांत तक्रार दाखल करण्यात आली आहे.
मुलाची गळा दाबून हत्या करण्यात आली आहे. हत्येप्रकरणी वडिलांनी आणखी काही लोकांवर देखील संशय व्यक्त केला आहे. शवविच्छेदनानंतर मृतदेह हा कुटुंबीयांना देण्यात आला असून सर्वांनाच यामुळे मोठा धक्का बसला. एका हिंदी वेबसाईटने याबाबतचे वृत्त दिले आहे. अशीच एक भयंकर घटना घडली आहे. ईअरफोन एका तरुणासाठी जीवघेणा ठरला आहे. गाणी ऐकताना कानातच ईअरफोनचा ब्लास्ट झाल्याची भयंकर घटना समोर आली आहे. यानंतर तरुणाच्या कानातून रक्त वाहून लागले. यामध्ये त्याचा मृत्यू झाला आहे. या घटनेने परिसरात एकच खळबळ उडाली आहे.
भयंकर! ईअरफोन ठरला जीवघेणा, गाणी ऐकताना कानातच झाला स्फोट; काही महिन्यांपूर्वीच झालेलं लग्न
राजस्थानच्या जयपूर जिल्ह्यातील उदयपुरिया गावात ही मन सुन्न करणारी घटना घडली आहे. गाणी ऐकण्यासाठी तरुणाने ईअरफोन लावले होते. त्याचदरम्यान ईअरफोनच्या स्पीकर फुटला. राकेश नागर असं या 28 वर्षीय तरुणाचं नाव आहे. ईअरफोनच्या स्फोटामुळे मोठा आवाजही झाला. राकेशच्या कानातून रक्त वाहू लागलं. त्यानंतर त्याला तातडीने उपचारासाठी जवळच्या रुग्णालयात दाखल करण्यात आलं पण डॉक्टरांनी त्याला मृत घोषित केलं. राकेश नागरचं याच वर्षी फेब्रुवारीमध्ये लग्न झालं होतं.