Crime News: ऐन दिवाळीत कारमध्ये सापडले पती-पत्नीचे मृतदेह, नंतर समोर आली धक्कादायक माहिती

Crime News: ऐन दिवाळीमध्ये एक धक्कादायक घटना घडली आहे. येथे एका कारमध्ये दाम्पत्याचा मृतदेह मिळाला. यामधील पत्नीचा गळा चाकूने कापण्यात आला होता. तर ड्रायव्हिंग सिटवर पतीचा मृतदेह पडला होता.

देवास (मध्य प्रदेश) - ऐन दिवाळीमध्ये देवास शहरात एक धक्कादायक घटना घडली आहे. येथे एका कारमध्ये दाम्पत्याचा मृतदेह मिळाला. यामधील पत्नीचा गळा चाकूने कापण्यात आला होता. तर ड्रायव्हिंग सिटवर पतीचा मृतदेह पडला होता. मृत व्यक्ती सरकारी शाळेमध्ये शिक्षक होती. पोलिसांच्या प्राथमिक अंदाजानुसार हे प्रकरण हत्येनंतर आत्महत्येचे असल्याचे दिसत आहे. त्याचं कारण म्हणजे कारमध्ये विषाचे दोन पाऊच मिळाले आहेत.

देवास बायपासजवळ विजयागंज मंडी सर्व्हिस रोडवर एक रिकामी कार उभी होती. त्यामध्ये ड्रायव्हिंग सिटवर पती आणि बाजूच्या सिटवर पत्नीचा मृतदेह पडलेला होता. पत्नीचा मृतदेह चाकूने गळा कापलेल्या अवस्थेत होता. मृतांची ओळख चंद्रकांत मंडलोई आणि त्यांची पत्नी अलका अशी झाली आहे. दोघांचेही वय ३८ आणि ३५ वर्षे होते. मृत दाम्पत्याला १४ वर्षांचा एक मुलगा आहे.

मंडलोई दाम्पत्य चिडावडमधील त्यांच्या घरातून दिवाळीच्या संध्याकाळी खरेदी करण्यासाठी देवासकडे निघाले होते. मात्र दोघेही त्यांच्या कारमध्ये देवास बायपासजवळील विजयागंज मंडी सर्व्हिस रोडवर मृतावस्थेत सापडले होते. प्राथमिक अंदाजानुसार पती चंद्रशेखर यांनी हत्येनंतर आत्महत्या केली आहे. पत्नीचा गळा चाकूने कापल्यानंतर पतीने विषप्राशन केले असावे, अशी शक्यता आहे. मृत चंद्रशेखर मंडलोई रणायर येथील सरकारी शाळेत शिक्षक होते. दोन महिन्यांआधी ते मक्सी येथून कुटुंबासह चिदावड येथे भाड्याच्या घरात राहण्यासाठी आले होते.

देवासचे एसपी डॉ. शिवदयाल सिंह यांनी सांगितले की, प्राथमिक दृष्ट्या हे प्रकरण आत्महत्येचे दिसत आहे. आधी महिलेची हत्या करण्यात आली. त्यानंतर पुरुषाने विषारी पदार्थ खाल्ला. त्यामुळे या दोघांचाही मृत्यू झाला. पोलिसांना कारमधून सल्फासचे दोन पाऊच आणि एक चाकू सापडला आहे.