४ लेकरांच्या बापाने एकतर्फी प्रेमातून शेजारी महिलेची केली हत्या, वाचा ट्रिपल मर्डरचा थरारक घटनाक्रम

पोलिसांनी हत्येप्रकरणी ज्याला अटक केली तो चार लेकरांचा पिता आहे. पोलिसांनुसार, आरोपीला महिलेसोबत प्रेम संबंध ठेवायचे होते, पण तिने त्यास नकार दिला होता.

छत्तीसगढच्या सरगुजामधील अंबिकापूरमध्ये एकाच परिवारातील तीन सदस्यांच्या हत्येप्रकरणी पोलिसांनी हैराण करणारा खुलासा केला आहे. पोलिसांनी दावा केला की, शेजाऱ्यानेच ट्रिपल मर्डर केला. पोलिसांनी आरोपीला अटकही केली आहे. गेल्या बुधवारी रात्री उशीरा महिलेसहीत एकाच परिवारातील ३ सदस्यांची हत्या करण्यात आली होती. पोलिसांनी हत्येप्रकरणी ज्याला अटक केली तो चार लेकरांचा पिता आहे. पोलिसांनुसार, आरोपीला महिलेसोबत प्रेम संबंध ठेवायचे होते, पण तिने त्यास नकार दिला होता.

पोलिसांनी सांगितलं की, महिलेकडून प्रेम संबंध ठेवण्यास नकार मिळाल्याने शेजारी रागात होता. आरोपी रात्री उशीरा महिलेच्या घरात शिरला आणि महिलेचा गळा कापला. यावेळी महिलेच्या १० वर्षीय मुलाने आणि सासऱ्याने त्याला रोखण्याचा प्रयत्न केला तर त्यांचीही त्याने हत्या केली.

भजन सिदार याची पत्नी कलावती सिरदार(२७) हिचा मृतदेह गुरूवारी सकाळी आढळून आला. महिलेचा १० वर्षीय मुलगा चंद्रिकाचा मृतदेह घरापासून ५० मीटर अंतरावर रस्त्यावर आणि सासऱ्याचा मृतदेह तिथे थोड्या अंतरावर आढळून आला. महिला तिच्या मुलासोबत राहत होती. तर सासरा मेघूराम शेजारी राहत होता. मुलाच्या पोटावर चाकूने वार केले होते. तिघांचा गळाही कापण्यात आला होता. तिघांचेही मृतदेह आढळल्यावर गावात दहशत पसरली. (हे पण वाचा : शिक्षिकेवर बलात्कार करून विवस्त्र फोटो काढले; निवृत्त ACP असल्याचा दावा करत लैंगिक अत्याचार)

रक्ताच्या डागांवरून आरोपीला पकडलं

सूचना मिळाल्यावर घटनास्थळी पोहोचलेल्या पोलिसांनी गावातील लोकांना विचारपूस केली. लोकांनी पोलिसांकडे अनैतिक संबंधाची शंका व्यक्त केली. अशात पोलिसांनी महिलेचा शेजारी अरविंद सिरदार याला संशयित म्हणून ताब्यात घेतलं. त्याच्या चेहऱ्यावर आणि शरीरावर रक्ताचे डाग सापडले होते. गावातील लोकांकडून त्याची माहिती मिळाली होती. पोलिसांनी चौकशी केली तेव्हा त्याने हत्या केल्याचं मान्य केलं.

आरोपीनं सांगितलं हत्येचं कारण

पोलिसांनुसार, आरोपी अरविंदने सांगितलं की, त्याला कलावतीसोबत प्रेम संबंध ठेवायचे होते. पण ती सतत नकार देत होती. अशात त्याने एका दुसऱ्या तरूणाला तिच्या घरी येताना पाहिलं तर तो भडकला. कलावतीच्या पतीचा मृत्यू आधीच झाला होता. गेल्या बुधवारी रात्री साधारण १२ वाजता अरविंद कलावतीच्या घरी पोहोचला. त्याने दरवाजा उघडल्यावर कलावती जोरात ओरडली की, इतक्या रात्री का आला. तेव्हा अरविंदने कलावतीवर चाकूने वार केला. तिचे वाचण्याचा प्रयत्न केला तर चाकू तिच्या मुलाच्या पोटात लागला. त्यांचा आवाज ऐकून तिचा सासरा आला. त्याने तिघांची हत्या केली.