रात्री तो येतो आणि सकाळी जातो...! घरमालकाने महिलेच्या पतीला फोन करून कळविले, पती येताच...

घरात सामानाची शोधाशोध केली असता त्याला पत्नीचा एका तरुणासोबत त्याच्या बाहुपाशात झोपलेला फोटो सापडला.

बिहारच्या नवादामध्ये भाडेकरू असलेल्या महिलेचे एका डॉक्टरसोबत अनैतिक संबंध समोर आले आहेत. या महिलेच्या पतीने तिने करोडोंच्या संपत्तीचे कागदपत्र आणि सोन्या, चांदीचे दागिने घेऊन प्रियकरासोबत पलायन केल्याची तक्रार पोलिसांत केली आहे. घरमालकाने हे अनैतिक संबंध उघडकीस आणले आहेत. 

मुफस्सिल पोलीस ठाण्यात पतीने तक्रार नोंदविली आहे. पोलिसांनी तक्रार येताच चौकशी सुरु केली आणि एफआयआर नोंदविला आहे. ही महिला आपल्या तीन मुलांना घरातच सोडून पळून गेली आहे. झाले असे की सपना कुमारीचा पती गोविंग बाहेरगावी कामाला होता. जुलै २०१६ ला त्यांचे लग्न झाले होते. त्यांना ८ ते २ वर्षे अशा वयोगटाची तीन मुले आहेत. 

सपनाच्या घरी रात्रीच्या सुमारास एक व्यक्ती यायचा, तो सकाळपर्यंत तिच्यासोबतच रहायचा. घरमालकाने हे काहीवेळा पाहिले होते. अखेर त्याने भाडेकरू महिलेच्या पतीला फोन करून याची माहिती दिली. गोविंद चेन्नईला होता. त्याने पत्नीला फोनवरच समजावले होते. जेव्हा तो चेन्नईहून नवादाला आला तेव्हा पत्नीच घरातून बेपत्ता झाली होती. 

घरात सामानाची शोधाशोध केली असता त्याला पत्नीचा एका तरुणासोबत त्याच्या बाहुपाशात झोपलेला फोटो सापडला. पतीच्या आरोपांनुसार डॉक्टर असलेल्या पंकज कुमारसोबत पत्नीचे अनैतिक संबंध आहेत ती त्याच्यासोबतच फरार झाली आहे. जाताना करोडोंच्या जमिनीची कागदपत्रे आणि दागदागिने घेऊन गेली आहे. पोलीस ठाण्याचे प्रभारी मृत्यूंजय कुमार यांनी एफआयआर नोंदविल्याचे म्हटले आहे.