आसाम - अमली पदार्थांविरुद्धच्या मोहिमेत आसामपोलिसांना मोठं यश मिळालं असून तब्बल १३० कोटी रुपयांच्या अमली पदार्थांचा साठा जप्त केला आहे. यामध्ये आसाम पोलिसांनी ४. ६ लाख YABA गोळ्या, १२ किलो आईस क्रिस्टल, १.५ किलो हेरॉइन जप्त केले आहे. याची किंमत अंदाजे १३० कोटी रुपये आहे.
याप्रकरणी शेजारच्या राज्यातील दोन व्यक्तींना अटक करण्यात आल्याचं आसामचे मुख्यमंत्री हिमंता बिस्वा सरमा यांनी सांगितले. या जप्तीप्रकरणी गुवाहाटी पोलिसांनी दोघांना अटकही केली आहे.
“बिबेकानंद दास, एडीसीपी पूर्व आणि नबजित नाथ, ओसी सोनापूर यांच्या नेतृत्वाखालील एका मोठ्या ऑपरेशनमध्ये ४.६ लाख याबा गोळ्या, १२ किलो मेटाम्फेटामाइन आणि १.५ किलो हेरॉइन जप्त करण्यात आले आहे. दोन आरोपींना पकडले,” अशी माहिती देणारे आसामचे मुख्यमंत्री हिमंता बिस्वा सरमा यांनी ट्विट केले.