लोकमत न्यूज नेटवर्कखामगाव : अनैतिक संबंधातून सहा जणांनी एका विवाहितेस विष पाजून जीवे मारण्याचा प्रयत्न केला. ही घटना बुधवारी स्थानिक टिळक मैदान परिसरात उघडकीस आली आहे.विवाहितेची प्रकृती गंभीर असून तिच्या जबाबावरून ६ जणांविरूध्द गुन्हा दाखल करण्यात आला आहे.टिळक मैदान भागातील रहिवासी मेहराज खातून यांना फरजाना परवीन, अब्दुल जब्बार, रहाना, नजराना, अब्दुल गीस व अब्दल गौस याची पत्नी अशा सहा जणांनी वाद घातला. तर फरजाना परवीन हिने उंदीर मारण्याचे विष ग्लासमध्ये टाकून मेहराज खातून हिला पाजले. त्यावेळी तिने आरडा -ओरड केल्याने शेजारी आल्याचे पाहूण सर्व आरोपींनी तेथून पळ काठला. घडलेला प्रकार मेहराज खातून हिने पतीला दोन दिवस सांगितला नाही. दरम्यान ५ जलै रोजी अचानक प्रकृती खराब झाल्याने तिला प्रथम खासगी व नंतर सरकारी रुग्णालयात हलविण्यात आले. मात्र प्रकृती गंभीर असल्याने तिच्यावर आता अकोला येथे उपचार होत आहेत.
विवाहितेस विष पाजून जीवे मारण्याचा प्रयत्न; ६ जणांविरुध्द गुन्हा
By लोकमत न्यूज नेटवर्क | Published: July 08, 2021 12:26 PM