लोकमत न्यूज नेटवर्क, नालासोपारा (मंगेश कराळे): एका दुचाकीस्वाराने कर्तव्यावर असलेल्या वाहतूक पोलिसाला भररस्त्यात मारहाण करत डोक्यात दगड घालून हत्येचा प्रयत्न केला. वसईच्या गोखिवरे नाक्यावर मंगळवारी दुपारी ही घटना घडली. या हल्ल्यात वाहतूक पोलीस जसवंत वळवी हे गंभीर जखमी झाले असून त्यांच्यावर रुग्णालयात उपचार सुरू आहेत. चार तरुण एकाच दुचाकीवरून येत असल्याने त्यांना पोलिसाने अडवले होते.
धुळवडी निमित्ताने मंगळवारी वाहतूक पोलिसांनी शहरात ठिकठिकाणी तपासणी मोहीम सुरू केली होती. वसई वाहतूक विभागाचे सहाय्यक फौजदार जसवंत वळवी (५२) हे मंगळवारी वसई पूर्वेच्या गोखविरे रेंज नाक्यावर बंदोबस्तासाठी होते. त्यांच्यासोबत अन्य एक पोलीस होता. दुपारी साडे तीनच्या सुमारास एका दुचाकीवरून ४ जण जात असलेले वळवी यांना दिसले. त्यामुळे वळवी यांनी ती दुचाकी थांबवली. दुचाकीस्वार अभिषेक जैस्वार (२१) याने वळवी यांच्याशी हुज्जत घातली. अचानक तो आक्रमक झाला आणि त्याने जवळ असलेला मोठा दगड उचलून वळवी यांच्या डोक्यात घातला. ते पाहून सोबत असलेले दुसरे पोलीस मदतीला आले. मात्र जैस्वार आक्रमकपणे दगडाने वळवी यांच्या डोक्यावर मारत होता. या हल्ल्यात वळवी रक्तबंबाळ झाले. त्यांच्या डोक्याला तीन ठिकाणी गंभीर दुखापत झाली. वळवी यांना उपचारासाठी खासगी रुग्णालयात दाखल करण्यात आले आहे.
वालीव पोलिसांनी आरोपी अभिषेक जैस्वार याला अटक केली आहे. त्याच्याविरोधात हत्येचा प्रयत्न, सरकारी कामात अडथळा आणणे तसेच मोटार वाहन अधिनियमाच्या कलमाअंतर्गत गुन्हे दाखल केले आहेत.
Web Summary : In Vasai, a traffic policeman was brutally attacked and seriously injured after stopping four individuals on a motorcycle. One suspect, Abhishek Jaiswar, has been arrested for attempted murder and obstructing a public servant. The incident occurred during a traffic check on Gokhivre Naka.
Web Summary : वसई में, एक यातायात पुलिसकर्मी पर मोटरसाइकिल पर सवार चार लोगों को रोकने के बाद बेरहमी से हमला किया गया और गंभीर रूप से घायल कर दिया गया। एक संदिग्ध, अभिषेक जैस्वार, को हत्या के प्रयास और लोक सेवक को बाधित करने के आरोप में गिरफ्तार किया गया है। घटना गोखिवरे नाका पर यातायात जांच के दौरान हुई।