पोलिसांनी घेरताच आरोपी शूटर AK47 ने दिली इमारतीवरून उडी मारण्याची धमकी, नंतर...

Gujarat Crime News: गुजरातमधील अहमदाबादमध्ये पोलीस एका गुन्हेगाराला अटक करण्यासाठी गेले. त्यानंतर जे घडलं, त्याचा व्हिडीओ समोर आला आहे. हा व्हिडीओ सोशल मीडियावरही व्हायरल होत आहे.

शूटर एके ४७ म्हणून सोशल मीडियावर शेखी मिरवणाऱ्या एका गुन्हेगाराचा व्हिडीओ व्हायरल होतोय. अटक करण्यासाठी आलेल्या पोलिसांना बघितल्यानंतर या शूटरची चांगलीच टरकली. इतकी की त्यानंतर मोठं अटक नाट्य घडलं. बहुमजली इमारतीच्या खिडकीतून बाहेर येऊन आरोपीने पोलिसांनी खाली उडी मारण्याची धमकी दिली. पण, आरोपीची काही सुटका झाली नाही. 

 'लोकमत'चं WhatsApp चॅनल फॉलो करा!

अहमदाबाद शहर पोलिसांच्या गुन्हे शाखेचे पथक ओढव परिसरातील अभिषेक तोमर उर्फ शूटर एके ४७ या कुख्यात गुन्हेगाराला अटक करण्यासाठी आले. एका बहुमजली इमारतीत हे अटक नाट्य घडले. पोलिसांना बघून आरोपीची टरकली. अटकेपासून वाचण्यासाठी तो फ्लॅटच्या मागील बाजूस खिडकीतून खाली सज्जावर उतरला.

पोलिसांना म्हणाला उडी मारणार

पोलीस खिडकीपर्यंत पोहोचले. वरच्या बाजूनेही काही पोलीस दोरीच्या साह्याने सज्जावर उतरले. त्यानंतर पोलीस जवळ जाण्याचा प्रयत्न करत होते. पण, खाली उडी मारण्याची धमकी देऊ लागला. माझ्याजवळ आलात, तर मी खाली उडी मारेन, असे तो पोलिसांना म्हणून लागला. 

पोलिसांनी अशी केली अटक

आरोपीने उडी मारण्याची धमकी दिल्यानंतर पोलीस मागे गेले. त्यानंतर अग्निशामक दलाला बोलवण्यात आले. आरोपीने उडी मारली, तर जीवितहानी होऊन नये म्हणून खाली जाळी लावण्यात आली. त्यानंतर पुन्हा आरोपीला पकडण्याचे प्रयत्न सुरू झाले. खाली जाळी लावण्यात आलेली असल्याचे पाहून आरोपीकडे धमकी देण्याचा पर्याय राहिला आणि पोलिसांनी त्याला बेड्या ठोकल्या. 

हे अटक नाट्य सुरू असल्याचे बघून लोकांची गर्दी झाली. अनेकांनी या घटनेचा व्हिडीओ शूट केला. हा व्हिडीओ सोशल मीडियावरही व्हायरल होत आहे. 

गुजरात के अहमदाबाद में सिटी क्राइम ब्रांच की टीम जब एक क्रिमिनल को पकड़ने पहुंची तो वह फिल्म शोले की स्टाइल में कूदने की धमकी देने लगा। क्राइम ब्रांच को अभिषेक उर्फ शूटर AK 47 को पकड़ने में कड़ी मशक्कत करनी पड़ी।#Gujaratnews#FilmyScenelikesholay#Crimenews#viralvideopic.twitter.com/1LZfAp0N2L

— NBT Hindi News (@NavbharatTimes) June 7, 2025

आरोपीवर अनेक गुन्हे दाखल

अहमदाबाद गुन्हे शाखा पोलिसांनी दिलेल्या माहितीनुसार आरोपी अभिषेक उर्फ शूटर एके४७ याच्याविरोधात अनेक गुन्हे दाखल आहेत. त्याचा खूप काळापासून शोध सुरू होता. खबऱ्याकडून त्याची माहिती मिळाल्यानंतर ही अटक करण्यात आली.  

आरोपी शिवम हाऊसिंग सोसायटीतील एक्स इमारतीत राहत होता. ५०५नंबरच्या फ्लॅटमध्ये असल्याची माहिती मिळाल्यानंतर पोलीस तिथे पोहोचले. पण, आरोपीने दरवाजा आतून बंद करून घेतला होता. त्यानंतर तो किचनमधील खिडकीतून सज्जावर उतरला. तोपर्यंत पोलीस घराचा दरवाजा तोडून आतमध्ये आले होते.