अहमदनगरमधील केडगावमध्ये सख्ख्या बहिणींचा अपघात; एकीचा मृत्यू

एक मयत तर दुसरी गंभीर जखमी

अहमदनगर : केडगाव येथील नगर - पुणे मार्गावरील हॉटेल अंबिका समोर स्कुटरला झालेल्या अपघातात स्कुटरवरील एक महिला जागीच ठार तर दुसरी गंभीर जखमी झाली. त्या दोघीही सख्या बहिणी आहेत. 

मनिषा बाळासाहेब कापरे ( वय ३८ ) या मयत झाल्या आहेत. रेखा प्रशांत चव्हाण ( वय ३३ ) या गंभीर जखमी झाल्या आहेत. त्या स्कुटरवरून केडगावहून भूषणनगरकडे जात असताना त्यांच्या वाहनाला अवजड वाहनाची धडक बसली. राष्ट्रवादीचे नेते अंबादास गारूडकर यांच्या त्या पुतणी आहेत. अपघातानंतर वाहतूक काही काळ विस्कळीत झाली होती.