दिल्ली हादरलं! 9 वर्षीय मुलीची बलात्कार करुन हत्या, जबरदस्तीने केले अंत्यसंस्कार; परिसरात खळबळ

9 year old girl raped murdered forcibly cremated in delhi : पोलिसांनी चार जणांना अटक केली आहे. तसेच याची कसून चौकशी करण्यात येत आहे. तसेच या घटनेने परिसरात एकच खळबळ उडाली आहे. 

नवी दिल्ली - दिल्लीमध्ये एक मन हेलावून टाकणारी घटना समोर आली आहे. एका नऊ वर्षाच्या मुलीवर बलात्कार करुन तिची हत्या करण्यात आल्याची धक्कादायक घटना घडली आहे. भयंकर बाब म्हणजे आरोपींनी मुलीवर जबरदस्तीने अंत्यसंस्कार देखील केले आणि तिच्या कुटुंबाला विजेचा धक्का लागून मृत्यू झाल्याची खोटी माहिती दिली. तसेच पोलिसांना याबाबत माहिती देऊ नका असं देखील तिच्या कुटुंबीयांना सांगितलं. दिल्ली कंटोनमेंट परिसरातील नांगल गावात ही घटना घडली आहे. याप्रकरणी पोलिसांनी चार जणांना अटक केली आहे. तसेच याची कसून चौकशी करण्यात येत आहे. तसेच या घटनेने परिसरात एकच खळबळ उडाली आहे. 

पोलिसांनी दिलेल्या माहितीनुसार, पीडित मुलगी रविवारी संध्याकाळी साडे पाचच्या सुमारास स्मशानभूमीत असणाऱ्या कूलरमधून थंड पाणी आणण्यासाठी घऱाबाहेर पडली होती. पण घऱातून बाहेर पडलेली मुलगी परतलीच नाही. जवळपास सहाच्या सुमारास स्मशानमभूमीतील पुजारी आणि पीडितेच्या आईच्या ओळखीतल्या काही जणांनी फोन करुन त्यांना बोलावलं आणि मुलीचा मृतदेह दाखवला. वॉटर कूलरमधून पाणी पित असताना विजेचा धक्का लागून तिचा मृत्यू झाला असं त्यांनी पीडितेच्या आईला सांगितलं. यानंतर त्या पुजारी आणि इतर आरोपींनी मुलीच्या आईला पोलिसांना फोन करू नका, नाहीतर यामुळे गुन्हा दाखल होईल आणि पोस्टमॉर्टम करत तिच्या अवयवांची चोरी होईल असं सांगत घाबरवलं. 

जोर जुल्म की टक्कर से संघर्ष हमारा नारा है,दिल्ली की बेटी को न्याय दो।

दोषियों को फांसी दो !!#JusticeForDelhiCanttGirlpic.twitter.com/5vwHb6GC19

— Sandeep Singh (@ActivistSandeep) August 2, 2021

मुलीच्या हातावर जखमा होत्या तसेच तिचे ओठ निळे पडले होते अशी माहिती मुलीच्या आईने पोलिसांनी दिली आहे. यानंतर महिलेची संमती नसतानाही मुलीवर जबरदस्तीने अंत्यसंस्कार करण्यात आले. महिलेने आपल्या पतीला फोन करुन घटनेची माहिती दिली. यानंतर जवळपास 200 लोक स्मशानभूमीजवळ जमा झाले आणि त्यांनी पोलिसांना कळवलं. पोलिसांनी याप्रकरणी गुन्हा दाखल केला असून आरोपींना अटक केली आहे. क्राइम ब्रांच आणि फॉरेन्सिक टीमने घटनास्थळावरुन पुरावे जमा केले असून याप्रकरणी तपास सुरू आहे. पोलीस अधिक तपास करत आहेत. एका हिंदी वेबसाईटने याबाबतचे वृत्त दिले आहे. 

धक्कादायक! तरुणाला 9 महिन्यांचा पगार मागणं पडलं महागात; सोशल मीडियावर Video जोरदार व्हायरल #crime#crimesnews#Policehttps://t.co/k1CxEmLc6f

— Lokmat (@MiLOKMAT) August 2, 2021

संतापजनक! पगार मागितला म्हणून तरुणाला ट्रॅक्टरला बांधून बेदम मारहाण; घटनेने खळबळ

देशात अनेक धक्कादायक घटना घडत आहेत. पंजाबच्या मुक्तसरमध्ये माणुसकीला काळीमा फासणारी घटना घडली आहे. एका तरुणाला पगार मागणं चांगलंच महागात पडलं आहे. पगार मागितला म्हणून ट्रॅक्टरला बांधून बेदम मारहाण करण्यात आली आहे. पोलिसांनी याप्रकरणी कारवाई करून दोन जणांना अटक केली आहे. सोशल मीडियावर या घटनेचा एक व्हिडीओ जोरदार व्हायरल होत आहे. घटनेने परिसरात खळबळ उडाली आहे. मिळालेल्या माहितीनुसार, तरुण गेल्या कित्येक महिन्यांपासून आपला पगार मागत होता. याआधीही त्याने पगार मागितला तेव्हा त्याला मारहाण करण्यात आली होती. तरुणाने पुन्हा एकदा पगार द्या असं म्हटलं असता त्याला टॅक्टरला बांधण्यात आलं आणि बेदम मारहाण करण्यात आली. ज्यानंतर त्याने पोलिसात धाव घेत याबाबत तक्रार दाखल केली. 

बापरे! बहिणीच्या मदतीने मारला डल्ला, सोन्या-चांदीच्या दागिन्यांची केली चोरी#crime#crimesnews#Policehttps://t.co/90Y2PeAa4G

— Lokmat (@MiLOKMAT) August 1, 2021