५ वर्षाच्या चिमुकलीवर तिच्या भावासमोर बलात्कार करून टाकले विहिरीत, अंगावर चावा घेतल्याच्या जखमा
By ऑनलाइन लोकमत | Published: July 10, 2020 07:45 PM2020-07-10T19:45:13+5:302020-07-10T19:47:50+5:30
एका १७ वर्षीय मुलानं अवघ्या ६ वर्षीय चिमुकलीवर बलात्कार केला. त्यानंतर तिला विहिरीत फेकून दिलं. तिच्या अंगावर चावा घेतलेल्या जखमा होत्या. एवढंच नव्हे तर तिच्या सहा वर्षाच्या चुलत भावाचीही गळा आवळून हत्या केली. अल्पवयीन आरोपीला पोलिसांनी अटक केली आहे.
५ वर्षाच्या चिमुकलीवर तिच्या भावासमोर बलात्कार करून टाकले विहिरीत, अंगावर चावा घेतल्याच्या जखमा
रायपूर - छत्तीसगडमधील कोरिया जिल्ह्यात धक्कादायक घटना उघडकीस आली आहे. एका १७ वर्षीय मुलानं अवघ्या ६ वर्षीय चिमुकलीवर बलात्कार केला. त्यानंतर तिला विहिरीत फेकून दिलं. तिच्या अंगावर चावा घेतलेल्या जखमा होत्या. एवढंच नव्हे तर तिच्या सहा वर्षाच्या चुलत भावाचीही गळा आवळून हत्या केली. अल्पवयीन आरोपीला पोलिसांनी अटक केली आहे.
एका १७ वर्षाच्या मुलानं पाच वर्षीय चिमुकलीवर तिच्या सहा वर्षाच्या भावासमोरच बलात्कार केला. तिच्यावर लैंगिक अत्याचार करण्यात आला. तिच्या अंगाला चावा घेतला. त्याच्या जखमा तिच्या शरीरावर होत्या. त्यानंतर तिला एका खोल विहिरीत फेकून देण्यात आले. आपल्याला पोलीस पकडतील या भीतीखातर त्याने बलात्कारावेळी समोर असलेल्या मुलीच्या ६ वर्षाच्या चुलत भावाला गळा आवळून मारले. त्यानंतर झुडपात त्याचा मृतदेह फेकून दिला. पाच वर्षाच्या मुलीला पोहता येत होतं. त्यामुळं ती बुडाली नाही. ती बराच वेळ पाण्यात पोहत राहिली. ती रडत होती आणि तिने मदतीसाठी आरडाओरडा केला. विहिरीच्या बाजूने जाणाऱ्या एका तरुणाने मुलीच्या रडण्याचा आणि ओरडण्याचा आवाज ऐकला. त्यानंतर त्यानं विहिरीत पाहिलं. त्याने विहिरीत उडी मारून मुलीला वाचवलं. त्यानंतर या भयानक घटनेचा पर्दाफाश झाला.
५ वर्षांची मुलगी आपल्या ६ वर्षाच्या चुलत भावासोबत बाजूच्याच शेतात खेळत होती. त्याचवेळी शेजारच्या गावातील शंकरगढ येथील एक १७ वर्षीय मुलगा त्यांच्याजवळ गेला. त्याने या दोघांशी ओळख वाढवली. दोघांना त्याने शेतावर पूजेसाठी फुलं गोळा करण्यासाठी घेऊन गेला आणि नंतर अडीच किलोमीटरवर असलेल्या जंगलात घेऊन गेला. तेथे नेल्यानंतर त्याने मुलीवर बलात्कार केला. अत्याचार करतेवेळी त्याने तिच्या शरीरावर निर्दयीपणे अत्याचार केले. चावा घेतल्याने तिच्या गालावर आणि पोटावर जखमा झाल्या होत्या. बलात्कार केल्यानंतर आरोपीने मुलीला जवळच्याच एका खोल विहिरीत फेकून दिले. मुलीला विहिरीतून बाहेर काढून ताबडतोब रुग्णालयात दाखल करण्यात आले. दरम्यान पोलिसांनी मुलीचा जबाब नोंदवून पॉक्सो कायद्यांतर्गत गुन्हा दाखल केला आणि पोलिसांनी त्या तरुणाला ताब्यात घेतले.
अन्य महत्वाच्या बातम्या...
विकास दुबेची नेपाळ सीमेवर शोधाशोध; प्रत्येक भिंतीवर 'मोस्ट वॉन्टेड'चे पोस्टर
पीएमसी बँक घोटाळ्यानंतर तणावात असलेल्या महिलेने सुशांतच्या आत्महत्येनंतर संपवले आयुष्य
किळसवाणा प्रकार! गायीसोबत अतिप्रसंग करत होता इसम, CCTV मध्ये रेकॉर्ड झाला व्हिडीओ
मृत्यूचा सूड! बापरे, एका वृद्धानं महिलेचं शिर कापून पोलीस ठाण्यात घेऊन गेला अन् म्हणाला...
