२४ वर्षाच्या युवतीचा कारनामा, ८ बॉयफ्रेंडकडून लुटले २५ लाख; नवव्याला फसवणार होती, पण... 

सोनम रघुवंशीनंतर आता आणखी एका मुलीचा कारनामा पुढे आलाय जिने पैशाच्या लालसेपोटी अवघ्या ६ वर्षात ८ बॉयफ्रेंड बनवले

केवळ १८ वर्ष त्या मुलीचं वय, जेव्हा ती पहिल्यांदा प्रियकरासोबत तिच्या एका मित्राच्या लग्नात सहभागी झाली होती. सगळीकडे रोषणाई, महागडे डिझाईन कपडे, डोळ्यांचे पापणे फेडणारी सजावट..हे पाहून तिच्याही मनात अशीच आलिशान लाईफ जगण्याचं स्वप्न रंगवले. आपल्या स्वत:चे घर असावे, महागडे कपडे घालावे, लग्झरी गाड्यांमधून फिरायचे परंतु या सगळ्यासाठी आवश्यकता असते ती पैशांची..या पैशांचा बंदोबस्त करण्यासाठी तिने अशी शक्कल लढवली की तिला आता जेलच्या कोठडीत राहावे लागतेय. 

सोनम रघुवंशीनंतर आता आणखी एका मुलीचा कारनामा पुढे आलाय जिने पैशाच्या लालसेपोटी अवघ्या ६ वर्षात ८ बॉयफ्रेंड बनवले. ती सुंदर दिसावी आणि मुले दिसताच क्षणी तिच्या प्रेमात पडावे यासाठी मुलीने स्वत:ची प्लॅस्टिक सर्जरही केली. त्यानंतर सोशल मीडियाच्या मदतीने तिने अशा मुलांचा शोध घेतला जे सिंगल आहेत, श्रीमंत आहे. हळूहळू ती त्या मुलांना जाळ्यात अडकवायची आणि त्यांच्याकडून पैसे उकळायची. मात्र तिच्या ९ व्या बॉयफ्रेंडने हा सगळा प्रकार उघड केला. 

हे प्रकरण चीनच्या हुनानमधील आहे. एका गरीब कुटुंबात तिचा जन्म झाला.  Yin Xue असे या मुलीचे नाव आहे. जेव्हा तिने तिच्या मित्राचे शाही लग्न पाहिले तेव्हा तिनेही स्वप्न पूर्ण करायचे ठरवले. आपलेही लग्झरी आयुष्य असावे असं तिला वाटत होते पण त्यासाठी तिच्याकडे पैसे नव्हते. हे आयुष्य जगण्यासाठी तिने छोटी-मोठी नोकरीही केली परंतु यातून तिचे स्वप्न पूर्ण होणार नव्हते. तिला जी लाईफ जगायची होती त्यासाठी १० मिलियन युआन म्हणजे १२ कोटींची गरज होती. त्यासाठी तिने ५ वर्षाचे टार्गेट घेतले. ही रक्कम जमा करण्यासाठी तिने बचत केलेल्या पैशातून स्वत:ची प्लॅस्टिक सर्जरी केली जेणेकरून सुंदर दिसावी. 

प्रेमातून फसवणुकीचा खेळ

मार्च २०२१ मध्ये तिने सोशल मीडियावर वेगवेगळे अकाऊंट बनवले. श्रीमंत मुलांशी मैत्री करणे सुरू केले. आधी बोलणे, त्यातून भेटणे मग प्रेमाचा सिलसिला सुरू होत होता. इतकेच नाही तर ती ज्याला प्रियकर बनवायची त्याच्यासोबत लिव्ह इनमध्ये राहायची. ही मुले जेव्हा एखाद्या कामानिमित्त घरातून बाहेर जायचे तेव्हा त्यांच्या मौल्यवान वस्तू सेकंड हेंड ऑनलाईन प्लॅटफॉर्मवर विकून द्यायची. एकदा सामान विकल्यानंतर ती त्या प्रियकराला सोडून द्यायची आणि नवा मुलगा शोधायची. तिने ८ बॉयफ्रेंडच्या घरातून तब्बल २५ लाख रूपये जमा केले. बदनामीच्या भीती अनेक मुलांनी तिच्याविषयी तक्रार केली नाही. 

९ व्या बॉयफ्रेंडने पर्दाफाश केला

८ व्या बॉयफ्रेंडला सोडून तिने ९ व्याचा शोध घेतला. तिने त्याला जाळ्यात ओढले आणि त्याच्या घरी लिव्ह इनमध्ये राहू लागली. या प्रियकराच्या घरात सीसीटीव्ही कॅमेरे लावले होते, ज्याचा एक्सेस त्याच्या मोबाईलवर होता. फ्रेब्रुवारी २०२२ मध्ये व्हेलंटाईन दिवशी जेव्हा तो घराबाहेर गेला तेव्हा ती मुलगी त्याच्या मौल्यवान वस्तूंची चोरी करत होती. त्यानंतर तो घरी पोहचला आणि तिला रंगेहाथ पकडले. त्याने पोलिसांना फोन केला, त्यानंतर तिच्या अटकेनंतर झालेल्या चौकशीत तिने केलेल्या गुन्ह्यांची उकल झाली.