‘त्या’ कर्मचार्‍यांच्या मालमत्ता जप्तीस ‘स्टे’

माजलगाव: बीड जिल्हा मध्यवर्ती सहकारी बँकेतील अपहार प्रकरणात अपहार प्रकरणातील आरोपींची मालमत्ता आरोप सिद्ध होईपर्यंत जप्त करु नये, असे आदेश सहकार न्यायालयाचे न्या. बी.पी. जाधव यांनी नुकतेच दिले. या आदेशामुळे कर्मचार्‍यांना काहीसा दिलासा मिळला आहे. बीड जिल्हा मध्यवर्ती सहकारी बँकेत कोट्यावधी रुपंयाचा गैरव्यवहार झाला. या प्रकरणात कर्मचार्‍यांसह संचालकांवरही ठपका ठेण्यात आला होता. काही तत्कालीन अधिकार्‍यांवर गुन्हे दाखल करण्यात आले आहेत. यामध्ये कर्मचार्‍यांचाही समावेश असल्याचे समोर आले होते. आठ शाखांमधील २७ कर्मचार्‍यांवर गैरव्यवहार केल्याचा आरोप आहे. त्यामुळे त्यांना डिसीसीमधून बडतर्फ करण्यात आले आहे. बँक प्रशासनाच्यवतीने बडतर्फ करण्यात आलेल्या कर्मचार्‍यांची मालमत्ता जप्त करण्याच्या नोटीसा बँक प्रशासकानी बजावल्या होत्या. त्यामुळे बडतर्फ कर्मचारी शेख आसेफ यांनी सहकार न्यायालयात धाव घेतली. जोपर्यंत कर्मचार्‍यांवरचा गुन्हा सिद्ध होत नाही तो पर्यंत कर्मचार्‍यांची मालमत्ता जप्त किंवा जप्त करुन लिलाव करु नये असे आदेश न्या. बी. पी. जाधव यांनी डीसीसी बँक प्रशासनाला दिले आहेत. (वार्ताहर)जिल्हा मध्यवर्ती सहकारी बँकेच्या २७ कर्मचार्‍यांवर गैरव्यवहाराचा आरोप आहे कर्मचारी शेख आसेफ यांनी न्यायालयात धाव घेतली होती