बाईकमध्ये पेट्रोल भरून रस्ता ओलांडणाऱ्या तरुणास टेम्पोने चिरडले

खुलताबादहून फुलंब्रीकडे भरधाव वेगाने जाणाऱ्या टेम्पोने चिरडले

खुलताबाद : पेट्रोल पंपावर बाईकमध्ये पेट्रोल भरून रस्ता ओलांडत असतांना भरधाव वेगाने येणाऱ्या टेम्पोने दुचाकीस जोरदार धडक दिली. यात  दुचाकीस्वाराचा जागीच मृत्यू झाला. विशाल नामदेव निकम ( ३२ ) असे मृताचे नाव असून हा अपघात आज दुपारी साडेचार वाजेदरम्यान खुलताबाद- फुलंब्री मार्गावरील पेट्रोल पंपासमोर घडला. 

वेरूळ येथील विश्वकर्मा कॉलनीत राहणारा विशाल नामदेव निकम याने खुलताबाद येथील फुलंब्री रोडवरील पेट्रोल पंपावर आपल्या मोटारसायकलमध्ये ( क्रमांक एम.एच. २०डी.यू.०९१४ ) पेट्रोल भरले. त्यानंतर रस्ता ओलांडत असतांना खुलताबादहून फुलंब्रीकडे भरधाव वेगाने जाणाऱ्या टेम्पोने ( क्रमांक  एम.एच.१९ सी.वाय.३५१२ ) त्याच्या दुचाकीला जोरदार धडक दिली. या अपघातात विशालचा जागीच मृत्यू झाला. विशालच्या पश्चात आई-वडील व एक भाऊ असा परिवार होता. पुढील तपास पोलीस निरीक्षक एस. एम. मेहत्रे, बीट जमादार शेख जाकीर, रतन वारे हे करीत आहेत.

हेही वाचा - संतपीठाचे दिक्षापीठ होऊन आधुनिक संत निर्माण व्हावेत