Latest Chhatrapati Sambhajinagar News | Chhatrapati Sambhajinagar Marathi News | Latest Chhatrapati Sambhajinagar News in Marathi | छत्रपती संभाजीनगर: ताज्या मराठी बातम्या

लोकमत न्यूज नेटवर्कछत्रपती संभाजीनगर : वंदे मातरम्, भारत माता की जय, छत्रपती शिवाजी महाराज की जय या घोषणेच्या निनादात चैतन्यपूर्ण वातावरणात रविवारी झालेल्या २१ कि.मी. अंतराच्या लोकमत महामॅरेथॉन नागपूरची प्राजक्ता गोडबोले आणि कोल्हापूरचा विवेक मोरे यांनी अनुक्रमे महिला आणि पुरुष गटांत जिंकली. पहाटे पाच वाजून ५० मिनिटांनी महामॅरेथॉनला मान्यवरांच्या उपस्थितीत सुरुवात झाली. पूर्ण छत्रपती संभाजीनगरच महामॅरेथॉनमय झाले होते. उल्लेखनीय बाब म्हणजे देशभरातूनच नव्हे तर परदेशातील धावपटूंचा सहभाग हे यंदाच्या महामॅरेथॉनचे वैशिष्ट्य ठरले. महिला गटात पहिल्या दहा कि.मी.मध्ये सावध सुरुवात केल्यामुळे पिछाडीवर असलेल्या प्राजक्ताने दुसऱ्या फेरीत मात्र, आपला धावण्याचा वेग वाढवताना एक तास २० मिनिटे २५ सेकंदासह अव्वल स्थानावर कब्जा केला. प्राजक्ताप्रमाणेच कोल्हापूरचा विवेक मोरे हा पहिल्या दहा कि.मी. अंतरात मागे होता. मात्र, त्याने पुढील दहा कि.मी.मध्ये जोरदार मुसंडी मारली आणि पुरुष गटांत एक तास नऊ मिनिटे २४ सेकंद वेळ नोंदवताना अव्वल स्थान पटकावले. निओ व्हेटरन महिला गटात मुंबई महामॅरेथॉनमध्ये तब्येत बरी नसल्यामुळे दुसऱ्या स्थानावर समाधान मानाव्या लागणाऱ्या परभणीच्या आंतरराष्ट्रीय खेळाडू ज्योती गवते हिने मात्र, छत्रपती संभाजीनगरात आपली कामगिरी उंचावली. तिने २१ कि.मी. अंतर एक तास ३३ मि. आठ सेकंदासह विजेतेपद पटकावले. पुरुषांमध्ये रमेश गवळीने एक तास १२ मिनिटे वेळ नोंदवत पहिला क्रमांक पटकावला. पुरुष व्हेटरन गटात ठाणे येथील कामगिरीचीच पुनरावृत्ती करताना भास्कर कांबळेने एक तास २० मिनिट व ३८ सेकंदासह पहिला क्रमांक पटकावला. महिला गटात पल्लवी मूगने मुंबई महामॅरेथॉनपाठोपाठ छत्रपती संभाजीनगर येथील लोकमत महामॅरेथॉन गाजवताना विजेतेपदावर शिक्कामोर्तब केले.प्राजक्ताची छत्रपती संभाजीनगरात हॅट्ट्रिकनागपूरची धावपटू प्राजक्ता गोडबोले हिला छत्रपती संभाजीनगर येथील लोकमत महामॅरेथॉन नेहमीच लकी ठरली आहे. तिने सलग तिसऱ्यांदा लोकमत महामॅरेथॉन जिंकली. लोकमत समूहाचे महामॅरेथॉनचे उत्कृष्ट नियोजन असते. छत्रपती संभाजीनगरात धावण्याचा अनुभव असल्याने त्याचा लाभ आपल्याला होतो, असे प्राजक्ता गोडबोलेने सांगितले.महामॅरेथॉनमुळे निघतो डाएटचा खर्च कोल्हापूरचा विवेक मोरे हा गतवर्षी छत्रपती संभाजीनगरातील महामॅरेथॉनमध्ये दुसरा होता. यंदा त्याने कामगिरी उंचावताना नंबर वनवर झेप घेतली. यावर्षी चांगला सराव असल्यामुळे आपण २१ कि.मी. अंतर सहज पार केल्याचे सांगितले. प्रतिस्पर्धी सुमेध सिंग सुरुवातीला पुढे होता, मात्र त्यानंतर आपण मुसंडी मारली. लोकमत महामॅरेथॉनमुळे आपला डाएटचा खर्च निघतो, असे त्याने सांगितले.आता रंगणार नाशिकला थरारठाणे येथील मुंबई महामॅरेथॉनपाठोपाठ छत्रपती संभाजीनगर येथे रविवारी झालेल्या महामॅरेथॉनला अभूतपूर्व प्रतिसाद मिळाला. आता पुढील महामॅरेथॉनचा थरार नाशिक येथे ७ जानेवारी रोजी होणार आहे.स्पर्धेतील पदक विजेते २१ किमी अर्धमॅरेथॉन खुला गट : पुरुष : १. विवेक मोरे, २. सुमित सिंग, ३. आकाश जयन. महिला : १. प्राजक्ता गोडबोले, २. आरती पावरा, ३. परिमला बाबर. निओ व्हेटरन गट (३६-४५ वर्षांपर्यंत)पुरुष : १. रमेश गवळी, २. राकेश यादव, ३. विवेक अय्यर.महिला : १. ज्योती गवते, २. रंजना पवार, ३. गुंजन पाटील. व्हेटरन गट (४६ वर्षांवरील) पुरुष : भास्कर कांबळे, २. आर. मोनी, ३. कृष्णा भद्रेवार. महिला : १. डॉ. पल्लवी मूग, २. शीतल संघवी, ३. विठाबाई कच्छवे. डिफेन्स : पुरुष : १. अविनाश पटेल, २. शैलेश गंगोडा, ३. शिवाजी हाके.महिला : १. प्रिती चौधरी, २. प्रियांका पाइकराव, ३. पूजा पाडवी. १० किमी मॅरेथॉनखुला गट : पुरुष : १. अश्विन, २. आसिफ खान, ३. रोहित चव्हाण.महिला : १. निशा कुमारी, २. आकांक्षा शेलार, ३.अमृता गायकवाड. निओ व्हेटरन (३६-४५ वर्षांपर्यंत) :पुरुष : १. अक्षय कुमार, २. चंद्रवीर सिंग, ३. सुनील सोनवणे. महिला : १. शारदा काळे, २. मिनाज नदाफ, ३. पूनम सूर्यवंशी व्हेटरन (४६ वर्षांवरील)१. अश्विनी आचार्य, २. समीर कोलया, ३. सतीश यादव. महिला : १. डॉ. इंदू टंडन, २, परिणीता खैरनार, ३. सीमा वट्टमवार.

Chhatrapati Sambhajinagar (Marathi News)

मध्यरात्री जिन्सीत तणाव, पोलिसांनी बारा तासांत संशयिताचा लावला शोध ...

स्मार्ट सिटीने लावलेल्या सीसीटीव्ही पोलवरच स्पीकर्स बसविण्यात आले आहेत. ...

यासोबतच मराठवाड्यातील लघुपट निर्मिती करणाऱ्या कलाकारांसाठी शॉर्ट फिल्म स्पर्धेचे आयोजन केले आहे. ...

सिडको उड्डाणपुलाच्या डागडुजीचे काम सुरू असल्याने, जालना रस्त्यावर मोठ्या प्रमाणात वाहतूक खोळंबा होतो आहे. ...

सोमवारी चंपाषष्ठी; भाविकांची गर्दी! वाहतूक कशी ओलांडायची भाविकांना चिंता ...

जिल्हा प्रशासनाकडून तरतूद; मात्र संबंधित विभागांकडून पाठपुरावा नाही ...

सातत्याने पैशांची मागणी, सासऱ्याने पैसे देऊनही परतला नाही ...

‘लोकमत महामॅरेथॉन’ला उदंड प्रतिसाद : प्राजक्ता, विवेक अव्वल ...