वाळूज महानगरला वाढीव पाणी

वाळूज महानगर : सिडको वाळूज महानगरमधील तीव्र पाणीटंचाईच्या पार्श्वभूमीवर एमआयडीसीकडून ५ दशलक्ष घनमीटर पाणी घेण्याचा निर्णय सिडको प्रशासनाने घेतला आहे. यासाठी जवळपास १० कोटी रुपये अनामत रक्कम एमआयडीसीकडे जमा करण्यात येणार आहे. या निर्णयामुळे सिडको वाळूज महानगरवासीयांना आता एक दिवसाआड पाणी मिळेल. सध्या सिडको वाळूज महानगरमध्ये तीव्र पाणीटंचाई असून, आठवड्यातून दोन दिवस तेही अपुरे पाणी दिले जात आहे. सिडकोला पाणीपट्टीसह सेवाकर भरूनही सुविधा मिळत नसल्यामुळे नागरिकांत तीव्र नाराजी आहे. सिडको प्रशासनाकडे स्वत:ची पाणीपुरवठा योजना नसल्यामुळे त्यांना एमआयडीसीकडून शुल्क भरून पाणी घ्यावे लागते. भारनियमन तसेच इतर काही कारणांमुळे सिडकोचे जलकुंभ भरत नसल्यामुळे पाणीपुरवठ्याचे नियोजनही सिडको प्रशासन करू शकत नाही. पर्यायाने नागरिकांच्या रोषाला सिडकोच्या अधिकार्‍यांना सतत तोंड द्यावे लागते. पुरेसे पाणी मिळत नसल्यामुळे बोअर किंवा हातपंपाचे दूषित पाणी नागरिकांना वापरावे लागते. या पाण्यामुळे रहिवाशांच्या आरोग्यास धोका निर्माण झाला आहे. या प्रस्तावाला एमआयडीसीने मंजुरी दिली असून, यासाठी वाढीव पाणीपुरवठ्यासाठी जवळपास १० कोटी ६० लाख रुपये अनामत रक्कम एमआयडीसीकडे जमा करण्यात येणार आहे. या वाढीव पाणीपुरवठ्यामुळे सिडकोला आता एक दिवसाआड पाणी पुरविणे शक्य होणार आहे, असेही केंद्रेकर म्हणाले. एमआयडीसीचे कार्यकारी अभियंता राजेंद्र नवाळे यांच्याशी संपर्क साधला असता ते म्हणाले की, वाढीव पाणीपुरवठ्यास वरिष्ठ कार्यालयाने मंजुरी दिली आहे. अनामत रक्कम भरल्यावर सिडकोला रोज ५ दशलक्ष घनमीटर पाणीपुरवठा केला जाईल.सिडकोचे मुख्य प्रशासक सुनील केंद्रेकर यांच्याकडे रहिवाशांनी २३ मे रोजी तक्रारी करून नियमित पाणीपुरवठा करण्याची मागणी केली. केंदे्रकर यांनी सध्या एमआयडीसीकडून होणारा पाणीपुरवठा अपुरा पडत असल्यामुळे सिडको प्रशासनाने एमआयडीसीकडे ५ दशलक्ष घनमीटर पाण्याचा प्रस्ताव दिला आहे, असे सांगितले.लोकसंख्येच्या तुलनेत सिडकोकडून अपुरा व कमी दाबाने पाणीपुरवठा होतो. पाणीटंचाई दूर करा, असे सतत सांगूनही दुर्लक्ष केले जाते. पुरेशा पाणीपुरवठ्यासाठी सिडकोने प्रभावी उपाययोजना करण्याची आवश्यकता आहे. -मारुती गायकवाडसिडको प्रशासन सुविधा न देता भरमसाठ सेवाकर वसूल करते, त्यामुळे कामगार व भूखंडधारकांत असंतोष आहे. नियमित पाणी देण्याऐवजी सिडकोचे अधिकारी भूखंडधारकांची आश्वासनांवर बोळवण करतात. -नारायण हातोळे