केज (जि. बीड): शेगाव-पंढरपूर राष्ट्रीय महामार्गावरील केज शिवारात गुरुवारी पहाटे ६ वाजण्याच्या सुमारास एक भीषण अपघात घडला. रस्त्याच्या कडेला उभ्या असलेल्या ट्रकला कोल्हापूरहून माजलगावकडे जाणाऱ्या एसटी बसने (MH 20 BL 3555) पाठीमागून जोरदार धडक दिली. या अपघातात बस चालक आणि वाहकासह १३ प्रवासी जखमी झाले आहेत.
अपघाताची माहिती मिळताच पोलीस निरीक्षक स्वप्नील उनवणे यांच्या मार्गदर्शनाखाली पोलीस उपनिरीक्षक सुकुमार बनसोडे आणि त्यांच्या सहकाऱ्यांनी तातडीने घटनास्थळी धाव घेतली. जखमींना सुमित तेलंग यांच्या रुग्णवाहिकेतून केज येथील उपजिल्हा रुग्णालयात दाखल करण्यात आले. तेथे प्राथमिक उपचार केल्यानंतर, गंभीर जखमींना पुढील उपचारासाठी स्वामी रामानंद तीर्थ ग्रामीण रुग्णालय व वैद्यकीय महाविद्यालय, अंबाजोगाई येथे हलवण्यात आले आहे.
जखमींची नावे खालीलप्रमाणे:
आनंद गायके (चालक, ४०)
विष्णू तांबडे (वाहक, ४२)
संजय खरात (३५)
चैतन्य संजय खरात (१६)
भास्कर गायकवाड (३६)
आशा खरात (२५)
सचिन खरात (३०)
रोशनी खरात (१८)
भाग्यश्री गायकवाड (३०)
पायल गायकवाड (१५)
सुनिता खरात (३२)
सचिन सुरवसे (४५)
वैशाली राऊत (३२)
या अपघातामुळे महामार्गावर काही काळ वाहतूक विस्कळीत झाली होती. स्थानिक रहिवासी जय जोगदंड आणि त्यांच्या साथीदारांनी बचाव कार्यात मोलाची मदत केली.
Web Summary : A bus collided with a stationary truck near Kej on Shegaon-Pandharpur highway, injuring 13, including the driver and conductor. Injured were rushed to Kej Sub-District Hospital and then shifted to Ambajogai for advanced treatment. Traffic was disrupted briefly; locals assisted in rescue operations.
Web Summary : शेगाँव-पंढरपुर राजमार्ग पर केज के पास एक बस खड़ी ट्रक से टकरा गई, जिसमें चालक और कंडक्टर सहित 13 लोग घायल हो गए। घायलों को केज उप-जिला अस्पताल ले जाया गया और फिर आगे के इलाज के लिए अंबाजोगाई स्थानांतरित कर दिया गया। यातायात बाधित, स्थानीय लोगों ने बचाव में मदद की।