व्हिडिओकॉन कंपनीच्या आवारातील भंगारास भीषण आग

: पैठण रोडवरील व्हिडिओकॉन कंपनीच्या आवारातील भंगारास आज दुपारी २. १५ च्या सुमारास भीषण आग लागली.

औरंगाबाद : पैठण रोडवरील व्हिडिओकॉन कंपनीच्या आवारातील भंगारास आज दुपारी २. १५ च्या सुमारास भीषण आग लागली. ५ बंबाच्या सहाय्याने तब्बल तीन तासाने आगीवर नियंत्रण मिळवण्यात यश आले.

याबाबत अधिक माहिती अशी कि, पैठण रोडवरील व्हिडिओकॉन कंपनीच्या आवारात भंगार साहित्य ठेवण्यात आले आहे. आज दुपारी २.१५ च्या सुमारास अचानक या भंगार साहित्यास आग लागली. आगीची माहिती मिळताच पोलीस व अग्निशमन दलाने तिकडे धाव घेतली. तब्बल तीन तासाच्या अथक प्रयत्नाने आगीवर नियंत्रण मिळवण्यात यश आले. आगीमुळे हा संपूर्ण परिसर जळून खाक झाला असून आगीचे कारण अद्याप कळू शकले नाही.