भाजपविरोधात सर्वपक्षीय उमेदवारांची लढत

करंजखेड : कन्नड तालुक्यातील करंजखेड ग्रामपंचायत ही सतरा सदस्य असलेली ग्रामपंचायत आहे. या निवडणुकीत चांगलीच चुरस पाहावयास मिळत आहे. काही वॉर्डात तिरंगी तर काही वॉर्डांत दुरंगी सामना होत आहे. विशेष म्हणजे तालुक्यातील काही नेतेमंडळी आपले नातेवाईक निवडून कसे येतील, यासाठी आटापिटा करीत आहेत. एकूण १७ जागांसाठी ४९ उमेदवार आपले नशीब अजमावीत आहेत.

करंजखेड ग्रामपंचायत निवडणुकीचा प्रचार अंतिम टप्प्यात आला आहे. सतरा सदस्य असलेल्या ग्रामपंचायत रिंगणात ४८ उमेदवार निवडणूक लढवत असून कोठे तिरंगी, तर कोठे दुरंगी सामना रंगला आहे. प्रथमच उमेदवार म्हणून तरुणांनी सहभाग घेतल्यामुळे गावातील प्रस्थापितांची चांगलीच दमछाक होत आहे. या निवडणुकीत राष्ट्रवादी, काँग्रेस, शिवसेना, भारतीय कम्युनिस्ट आणि काँग्रेस पक्षाचे स्थानिक नेते एकत्र येऊन भाजप पॅनलला विरोध करीत आहेत. या निवडणुकीत राष्टवादी काँग्रेसचे कन्नड नगराध्यक्ष संतोष कोल्हे, राष्ट्रवादी अल्पसंख्याक शेख कलिमोद्दीन, शिवसेना उपजिल्हाप्रमुख अवचितराव वळवळे, भारतीय कम्युनिस्ट पक्षाचे हाजी गुलाम मोहमद हे नेतृत्व करीत आहेत. भाजप तालुकाध्यक्ष भगवान कोल्हे व संरपच सय्यद अय्यास यांनी भाजपपुरस्कृत, तर उपसरपंच हर्षवर्धन निकम, बुढण मुल्ला यांनी ही स्वतंत्र पॅनल उभे केले. निवडणूक अंतिम टप्प्यात प्रचाराची रणधुमाळी सुरू असून मतदारांच्या घराचे उंबरठे झिजवावे लागत आहेत.

इन कमिंग का आऊट गोइंग

विद्यमान सरपंच सय्यद हय्यास व उपसरपंच हर्षवर्धन निकम हेही उमेदवार म्हणून रिंगणात उतरले आहेत. विकास कामांवर मतदान मागत आहेत. यामुळे इन कमिंग की सत्ता बदल म्हणून आऊट गोइंग होणार, याकडे सर्वांचे लक्ष लागून होते.

-------------

फोटो : ग्रामपंचायत करंजखेड