-----------------------------------------------------
सोनसाखळी हिसकावणारा आणि खरेदी करणाऱ्या सोनाराला कोठडी
औरंगाबाद : मॉर्निंग वॉक करून घराकडे परतणाऱ्या वृद्धेची सोनसाखळी हिसकावून नेणारा बाळू भागाजी मकळे याच्यासह चोरीची ती सोनसाखळी खरेदी करणारा सोनार विजय तनसुखलाल सोनी या दोघांना २९ जुलैपर्यंत पोलीस कोठडीत ठेवण्याचे आदेश प्रथम वर्ग न्यायदंडाधिकारी डी. एस. वमने यांनी बुधवारी दिले. सहायक सरकारी वकील एस. आर. ढोकरट यांनी सरकारतर्फे काम पाहिले.
------------------------------------------------------------
अल्पवयीन मुलगी गर्भवती; आरोपीला पोलीस कोठडी
औरंगाबाद : आरोपी सागर माणिक काकडे याने अल्पवयीन मुलीला पळवून नेऊन, तिच्याशी मंदिरात लग्न करून पती-पत्नीप्रमाणे राहिल्याने ती ५ महिन्यांची गर्भवती झाली. या गुन्ह्यात सागर काकडे याला ३० जुलैपर्यंत पोलीस कोठडीत ठेवण्याचे आदेश विशेष सत्र न्यायाधीश ए. एस. खडसे यांनी बुधवारी दिले. सहायक लोकअभियोक्ता राजू पहाडिया यांनी सरकारतर्फे काम पाहिले.
--------------------------------------------
बनावट सोने गहाण ठेवून २६ लाखांची फसवणूक; आणखी एकाला कोठडी
औरांगाबाद : अकोला येथील निशांत मल्टिस्टेट को- ऑप. क्रेडिट सोसायटी लि.च्या औरंगाबाद रेल्वेस्टेशन रोडवरील शाखेत बनावट सोने गहाण ठेवून २६ लाख २३ हजार रुपयांच्या फसवणुकीच्या गुन्ह्यात आणखी एक आरोपी सतीश बाबूराव नाईक याला ३० जुलैपर्यंत पोलीस कोठडीत ठेवण्याचे आदेश मुख्य न्यायदंडाधिकारी पी. पी. मुळे यांनी बुधवारी दिले. सहायक सरकारी वकील मनीषा गंडले यांनी सरकारतर्फे काम पाहिले.
---------------------------------------------------------
गॅस सिलिंडर व कॅमेरा चोरास पोलीस कोठडी
औरंगाबाद : घरातून गॅस सिलिंडर व कॅमेरा असा सुमारे साडेनऊ हजारांचा ऐवज चोरी करणारा सय्यद सुभान सय्यद जिलानी याला २९ जुलैपर्यंत पोलीस कोठडीत ठेवण्याचे आदेश प्रथम वर्ग न्यायदंडाधिकारी धनश्री भंडारी यांनी बुधवारी दिले. सहायक सरकारी वकील समीर बेदरे यांनी सरकारतर्फे काम पाहिले.
-----------------------------------------------------