coronavirus : धक्कादायक ! औरंगाबादेत आणखी १० कोरोनाबळी

औरंगाबाद जिल्ह्यातील एकूण मृत्यू संख्या २१६ झाली.

ठळक मुद्देबारी कॉलनीतील २० वर्षीय तरुणीचा झाला मृत्यू

औरंगाबाद : औरंगाबादेत कोरोनाने बळी जाणे सुरूच आहे. घाटी रुग्णालयात उपचार सुरू असलेल्या १० जणांचा मृत्यू झाल्याची माहिती बुधवारी घाटी प्रशासनाने दिली. यामुळे औरंगाबाद जिल्ह्यातील एकूण मृत्यू संख्या २१६ झाली.

चेलीपुरा पोलीस स्टेशन परिसरातील ७० वर्षीय महिला, हिनानगर-चिकलठाणा येथील ६५ वर्षीय पुरुष, जुना मोंढा-भवानीनगर येथील ६५ वर्षीय पुरुष, बारी कॉलनीतील २० वर्षीय तरुणी, मंजुरपुरा येथील ५६ वर्षीय महिला, उस्मानपुरा येथील ८२ वर्षीय पुरुष, अजबनगर येथील ६० वर्षीय महिला, गजगाव (ता.गंगापूर) येथील ८० वर्षीय महिला , बारुदगरनाला येथील ६० वर्षीय महिला आणि अन्य एका रुग्णाचा उपचार सुरू असताना मृत्यू झाला, अशी माहिती घाटी रुग्णालयाने दिली.

जिल्ह्यात आज १२५ बाधितांची वाढ 
बुधवारी सकाळी १२५ कोरोनाबाधित रुग्णांची वाढ झाली. त्यामुळे एकूण कोरोनाबाधितांची संख्या ३९६१ झाली. १२५ रुग्णांपैकी ८७ रुग्ण मनपा क्षेत्रांतर्गत असून ३८ रुग्ण ग्रामीण भागातील आहे. यात ५० महिला आणि ७५ पुरुष असल्याचे प्रशासनाने कळविले आहे. 

शहरात आढळलेले रुग्ण 
कुतुबपुरा १, नागसेननगर १, बंजारा कॉलनी १, सराफा रोड २, व्हीआयपी रोड, ज्युब्ली पार्क १, पडेगाव १, संभाजी कॉलनी, एन सहा १, विद्या रेसिडेन्सी १, जुना बाजार, नारायणनगर १, पुंडलिकनगर २, पद्मपुरा १, इटखेडा १, विष्णूनगर १, सादातनगर १, उल्कानगरी १, संत तुकोबानगर, एन दोन, सिडको १, न्यू हनुमाननगर १, लक्ष्मी नगर, गारखेडा १, जयभीमनगर, टाऊन हॉल १, हर्षनगर ७, संजयनगर, बायजीपुरा ४, राजनगर १, हर्सुल जेल ४, सिद्धेश्वरनगर, जाधववाडी २, वसंतनगर, जाधववाडी ३, नागेश्वरवाडी १, एकतानगर, चेतनानगर १, जाधववाडी १, क्रांतीनगर १, म्हसोबानगर १, पोलिस कॉलनी १, एन नऊ हडको १, एन अकरा १, एन तेरा १, राज हाईट १, विनायक नगर, देवळाई २, विशालनगर १, गरम पाणी ३, बुढीलेन ३, गारखेडा ३, हरिचरणनगर, गारखेडा १, शिवाजीनगर १, रोजा बाग २, दिल्ली गेट ६, बेगमपुरा १, नेहरूनगर १, जामा मस्जिद परिसर १०, मयूर पार्क १ कोरोनाबाधित आहेत.

ग्रामीण भागातील रुग्ण
साई नगर, बजाजनगर १, बजाजनगर, वाळूज१, हिवरा २, पळशी १, मांडकी ४, कन्नड १, पांढरी पिंपळगाव १, दर्गा रोड, दारुसलाम पैठण ६, पडेगाव, गंगापूर १, वाळूज, गंगापूर ५, गंगापूर २, गोदावरी कॉलनी, गंगापूर १, लक्ष्मी कॉलनी, गंगापूर १, जयसिंगनगर, गंगापूर २, हाफिज नगर, सिल्लोड २, बिलालनगर, सिल्लोड ५, इंदिरानगर, वैजापूर १, पोलिस कॉलनी, वैजापूर १ कोरोनाबाधित आहेत.