छत्रपती संभाजीनगर: सिडको एन-४ भागातील पारिजातनगर येथील उद्यानासाठी राखीव असलेल्या ५ एकर जागेवरून आता नवीन राजकीय वाद निर्माण झाला आहे. यातील १ एकर जागा शिंदेसेनेचे आमदार रमेश बोरनारे यांच्या 'मॉर्डन शिक्षण प्रसारक मंडळाला' खेळाच्या मैदानासाठी द्यावी, अशी मागणी करण्यात आली आहे. मात्र, याला प्रभाग २३ मधील भाजपच्या चारही नगरसेवकांनी तीव्र विरोध दर्शवला असून, ही जागा कोणालाही देऊ नये, असे साकडे मनपा आयुक्त जी. श्रीकांत यांना घातले आहे.
काय आहे नेमका वाद?सिडको एन-४ मधील सर्व्हे नंबर २३-२४ मध्ये उद्यानाची ५ एकर जागा आहे. यातील १ एकर जागा आपल्या संस्थेला मिळावी यासाठी आमदार बोरनारे यांनी उपमुख्यमंत्री एकनाथ शिंदे यांच्याकडे मागणी केली होती. त्यानुसार नगरविकास विभागाने आयुक्तांना तसा प्रस्ताव सादर करण्याचे निर्देश दिले. ही बाब समजताच स्थानिक भाजप नगरसेवक प्रमोद राठोड, बालाजी मुंडे, सत्यभामा शिंदे आणि सुरेखा गायकवाड यांनी गुरुवारी आयुक्तांची भेट घेऊन निवेदन दिले.
रहिवाशांचाही खंबीर पाठिंबायेथील नागरिकांनी 'पारिजात नगर प्रतिष्ठान' संस्था स्थापन केली असून, उद्यानासाठी राखीव असलेल्या जागेतून स्पोर्ट्स क्लबला जागा देण्यास रहिवाशांचाही कडाडून विरोध आहे. नगरसेवकांनी रहिवाशांच्या भावना आयुक्तांसमोर मांडल्या. त्यावर आयुक्तांनी ही जागा कोणालाही दिली जाणार नसल्याचे आश्वासन दिले असून, सध्या तरी या प्रकरणावर पडदा पडला असला तरी राजकीय हालचालींमुळे रहिवासी सतर्क आहेत.
Web Summary : A dispute arose over a park in Chhatrapati Sambhajinagar. An MLA requested land for a playground, but BJP corporators opposed it, appealing to the municipal commissioner to preserve the park for residents. Locals also oppose the proposal, and the commissioner assured that the land would not be allocated.
Web Summary : छत्रपति संभाजीनगर में एक पार्क को लेकर विवाद खड़ा हो गया है। एक विधायक ने खेल के मैदान के लिए जमीन मांगी, लेकिन भाजपा पार्षदों ने इसका विरोध किया और नगर आयुक्त से पार्क को निवासियों के लिए संरक्षित करने की अपील की। स्थानीय लोग भी प्रस्ताव का विरोध कर रहे हैं, और आयुक्त ने आश्वासन दिया कि जमीन आवंटित नहीं की जाएगी।