सावरगाव : राजोली येथील नवनाथ भजन मंडळाच्या वतीने कन्नमवार नगर, राजोली येथे दोन दिवसीय श्री दत्त जयंती कार्यक्रम मोठ्या थाटात पार पडला. श्री दत्त प्रभू जयंतीच्या दोन दिवसीय कार्यक्रमात भजन, पूजन, पाद्य पूजा व प्रवचन पार पडले.
श्री दत्त प्रभूंच्या प्रतिमेची पालखी संपूर्ण गावात फिरविण्यात आली. यावेळी भाविकांनी दत्त प्रभूंचे दर्शन घेतले. मंगळवारी शेंडे महाराज यांच्या प्रबोधनात्मक कीर्तनाचा कार्यक्रम पार पडला. यावेळी व्यसनमुक्ती साहित्य कलाकार आबाजी दत्तु गेडाम, हार्मोनियम वादक गोविंदा आत्राम, तबला वादक दिवाकर गेडाम, तानाजी बावणे, नवनाथ भजन मंडळाचे अध्यक्ष प्रमोद येनूरकर, पुंडलिक येनूरकर यांनी या प्रबोधनात्मक कीर्तनाला संगीत साथ दिली. याप्रसंगी व्यसनमुक्ती साहित्य कलाकार आबाजी गेडाम यांनी मार्गदर्शनातून जनजागृती केली. महाप्रसादाने कार्यक्रमाची सांगता करण्यात आली.